قولونەر شەبەرى ارنايى ۇيىرمە اشىپ, بالالاردى دا ۇلتتىق ونەرگە باۋليدى.ء تورت ت ۇلىكتىڭ سۇيەگى مەن ءمۇيىزى شەبەردىڭ قولىنا تۇسكەننەن كەيىن تۇرلەنىپ شىعا كەلەدى. سويىلعان مالدىڭ سۇيەكتەرىن تاستاماي, ونى قايناتىپ, وڭدەۋگە ازىرلەپ قويۋدى ادەتكە اينالدىرعان. قاجەتتى ءپىشىنى قالىپتاسقاننان كەيىن لاك جاعىپ, كوزدىڭ جاۋىن الارداي ەتىپ بەزەندىرىلەدى,
«پىشاقتى الاتىن بولساق, ونىڭ سىرتى ەشكىنىڭ مۇيىزىنەن جاسالعان. ءارتۇرلى بۇيىمدارمەن بەزەندىرىلگەن. ويۋ سالىنىپ, ەندى ۇلتتىق ناقىشتا بولعاننان كەيىن ءارتۇرلى ويۋلار سالىنادى. مىنا تاراقتى ءبىز ارامەن كەسەمىز, ال مىنا سيىردىڭ بەينەسى شىعۋى ءۇشىن ەگەۋمەن ىسامىز», دەدى وقۋشى اسلان ورىنعاليەۆ.
بۇل كاسىپتى بىرلىك اتادان قالعان ميراس دەيدى. سۇيەك پەن اعاش ويىپ, تۇرمىستا قولدانۋ – قازاق حالقىنىڭ ۇلتتىق ونەرى. قىزىعۋشىلىعى بار بالالاردى باۋلىپ, شاكىرت تاربيەلەۋدى بورىش سانايدى. سوندىقتان مەكتەپ باعدارلاماسىنان تىس ۇيىرمە اشىپ, بىلگەنىن ۇيرەتىپ ءجۇر.
«قازىر مەكتەپ ۇيىرمەسىندە 20 وقۋشى بار. ەندى ءبارى بىردەي كەلە بەرەدى دەپ ايتا المايمىن. بىراق قىزىعۋشىلىقتارى بار. سۇيەكتى وڭدەگەن ۋاقىتتا كىشكەنە شىدامدىلىق كەرەك. شەبەرلىك كەرەك وعان. مەيىرىمدىلىك كەرەك. نازىك قوي سۇيەكتەر. سوندىقتان وعان ءار ۋاقىتتا شىدامدىلىق كەرەك», دەپ ويىن ءبىلدىردى كوركەم ەڭبەك ءپانىنىڭ مۇعالىمى بىرلىك سۇلتان.
