كەڭەستە ۋنيۆەرسيتەتتىڭ عىلىمي قىزمەتتى كەڭەيتۋدى جالعاستىرىپ جاتقانى, اتاپ ايتقاندا, كەيىنگى بىرنەشە جىلدا عىلىمي-زەرتتەۋ جوبالارىنىڭ سانى 146-دان 366-عا دەيىن وسكەنى ايتىلدى. سونىمەن قاتار جوو تاقىرىپتىق كونفەرەنتسيالار مەن كاسىبي دامۋ باعدارلامالارى ارقىلى رەسپۋبليكانىڭ باسقا جوعارى وقۋ ورىندارىمەن تاجىريبە الماسۋ بويىنشا جۇمىس جۇرگىزەدى.
نازارباەۆ ۋنيۆەرسيتەتىنىڭ تاعى ءبىر اۋقىمدى جوباسى ونداعى مەديتسينا مەكتەبىنىڭ استانا فارماتسەۆتيكالىق كلاستەرىن دامىتۋعا قاتىسۋى بولىپ وتىر, بۇل مەملەكەت باسشىسىنىڭ دارىلىك زاتتار مەن مەديتسينالىق بۇيىمدار نارىعىنداعى وتاندىق وندىرۋشىلەردىڭ ۇلەسىن ۇلعايتۋ جونىندەگى تاپسىرماسى شەڭبەرىندە ىسكە اسىرىلىپ جاتىر. سونىمەن قاتار UMC ۋنيۆەرسيتەتتىك مەديتسينالىق ورتالىعىنىڭ بازاسىندا بىرقاتار كۇردەلى حيرۋرگيالىق وپەراتسيالار جۇرگىزىلىپ كەلەدى, ولاردىڭ كەيبىرەۋى قازاقستاندا العاش رەت جۇزەگە اسىرىلىپ وتىر.
ۇكىمەت باسشىسىنا يننوۆاتسيالاردى دامىتۋ جانە عىلىمدى وندىرىسكە ەنگىزۋ بولىگىندەگى جوو قىزمەتى تۋرالى باياندالدى. ماسەلەن, 2022 جىلى ۋنيۆەرسيتەت عالىمدارى پاتەنتتەر, كوممەرتسيالاندىرۋعا حالىقارالىق گرانتتار جەڭىپ الدى. مىسالى, اۋتيزمگە قارسى كۇرەستە روبوتتاردى پايدالانۋ جوباسى رەسپۋبليكانىڭ 22 وڭالتۋ ورتالىعىندا جۇزەگە اسىرىلدى.
پرەمەر-مينيستر جوو-عا عىلىمي-زەرتتەۋ قىزمەتىن, ونى كوممەرتسيالاندىرۋدى ودان ءارى نىعايتۋ قاجەت ەكەنىن, سوندىقتان وتاندىق قولدانبالى ازىرلەمەلەر ءارتۇرلى سالادا ءجيى قولدانىلاتىنىن ايتتى.
