ساپار اياسىندا ميسسيا باسشىسى گەنەرال-مايور پاتريك گوشا UNTSO-نىڭ مانداتى تۋرالى پرەزەنتاتسيا جاسادى. سونداي-اق ايماقتاعى اسكەري-ساياسي احۋال تۋرالى پىكىر الماسۋ بولدى.
ەلشى بۇۇ بىتىمگەرشىلەرىنە قازاقستاننىڭ تاياۋ شىعىستاعى مەملەكەتتەرمەن دوستىق قارىم-قاتىناسى جانە سيريا ماسەلەسى بويىنشا «استانا پروتسەسى» حالىقارالىق پلاتفورماسىنىڭ دامۋى جايلى ايتىپ بەردى.
سونىمەن قاتار قازاقستاندىق ديپلومات ميسسيا باسشىسىن ەلىمىزدە بىتىمگەرشىلىك جونىندە قابىلدانىپ جاتقان شارالار مەن قازاقستاندىق بىتىمگەرلەردىڭ بۇۇ ميسسيالارىندا گەوگرافيالىق قاتىسۋى تۋرالى حاباردار ەتتى.
تاراپتار تۇركيا مەن سيرياداعى جويقىن جەر سىلكىنىسىنىڭ سالدارىن دا تالقىلادى. وسى رەتتە, س.بۇرشاقوۆ قازاقستان پرەزيدەنتى قاسىم-جومارت توقاەۆتىڭ باستاماسىمەن ەكى ەلگە گۋمانيتارلىق كومەك جەتكىزىلگەنىن اتاپ ءوتتى. سونداي-اق تۇركياداعى قازاقستاندىق قۇتقارۋ توبىنىڭ قىزمەتى مەن تۇرىك تاراپىنا بولىنگەن 1 ملن اقش دولل كولەمىندەگى قارجىلاي كومەككە جەكە توقتالدى.
كەزدەسۋ قورىتىندىسى بويىنشا تاراپتار ەكىجاقتى بايلانىستاردى جانداندىرۋعا جاردەمدەسۋگە كەلىستى.
