سۇيىكتى جانۋارلارىنان ايرىلىپ قالعان, اسپان استى ەلىنىڭ تۇرعىندارى جىل سايىن كلونداۋ قىزمەتىنە جۇگىنەتىن كورىنەدى. ءبىر قىزىعى بۇل ۇردىسكە ۋاقىت وتكەن سايىن سۇرانىس تەك ارتىپ كەلەدى.
قىتايدا ءتورت اياقتى جانۋاردى «قايتا ءتىرىلتۋ» ءۇشىن شامامەن 30-40 مىڭ دوللار قاجەت. ول ءۇشىن دنق پروتوتيپكە تولىعىمەن سايكەس كەلەتىن كىشكەنتاي جاسۋشا قولدانىلادى. ال جانۋاردىڭ «ومىرگە قاتستا كەلۋى» ءۇشىن 10 اي ۋاقىت قاجەت.
«2017 جىلى بىزدە العاش رەت كلوندالعان ءۇي جانۋارى دۇنيەگە كەلدى. سودان بەرى 6 جىلدا بىرنەشە ءجۇز يت-مىسىقتى كلوندادىق. جالپى, قىتايداعى بۇل سالا تابىستى دامىپ كەلەدى. ءبىزدىڭ قىزمەتىمىزگە جۇگىنگەن ازاماتتارمەن ۇنەمى بايلانىستامىز. ولاردىڭ ءبىزدىڭ قىزمەتكە بەرىپ وتىرعان باعاسى جوعارى», دەدى «Sinogene» كومپانياسىنىڭ پرەزيدەنتى مي تسزيدۋن.
