ماۆر ابدۋللين 1973 جىلى اقتوبە وبلىسىندا دۇنيەگە كەلگەن. ءبىلىمى - جوعارى. 2001 جىلى باتىس قازاقستان مەملەكەتتىك ۋنيۆەرسيتەتىن «ەكونوميست-مەنەدجەر» ماماندىعى بويىنشا بىتىرگەن.
ەڭبەك جولىن 1990 جىلى ويىل اۋداندىق اۆتوموبيل جولدارىن جوندەۋ مەكەمەسىنىڭ جۇمىسشىسى بولىپ باستاعان.
1993 – 1995 جىلدارى جەكە كاسىپكەرلىكپەن اينالىسقان.
1995 – 2012 جىلدارى ويىل اۋداندىق كينوجەلىسى ديرەكتسياسىنىڭ ديرەكتورى, ويىل اۋداندىق مادەنيەت ءبولىمىنىڭ مەڭگەرۋشىسى, ويىل اۋدانى اكىمىنىڭ ورىنباسارى, اقتوبە وبلىستىق اۋىل شارۋاشىلىعى باسقارماسى باستىعىنىڭ ورىنباسارى بولىپ جۇمىس ىستەگەن.
2012 - 2022 جىلدارى ويىل, العا اۋداندارىنىڭ اكىمى, اقتوبە وبلىسى اكىمىنىڭ ورىنباسارى, ءبىرىنشى ورىنباسارى, اقتوبە قالاسىنىڭ اكىمى, «اقتوبە نەفتە گاز ستروي» جاۋاپكەرشىلىگى شەكتەۋلى سەرىكتەستىگى ديرەكتورىنىڭ ورىنباسارى قىزمەتتەرىن اتقارعان.
2023 جىلدىڭ قاڭتار ايىنان باستاپ وسى ۋاقىتقا دەيiن اقتوبە وبلىسى اكىمىنىڭ اۋىل شارۋاشىلىعى ماسەلەلەرى بويىنشا كەڭەسشىسى قىزمەتىن اتقارىپ كەلدى.
