ستيپەندياتتار «Fortune Global 500», «Forbes Global 2000», «Forbes Top 100 Digital Companies» الەمدىك رەيتينگتەرىنە كىرەتىن ۇيىمداردا, بۇۇ-نىڭ حالىقارالىق ۇيىمدارىندا تاعىلىمدامادان وتە الادى. سونداي-اق دوكتورانتتارعا العان ماماندىعى بويىنشا پوستدوكتورانتۋرادان ءوتۋ ءۇشىن ەڭبەكپەن وتەۋ مەرزىمى شەگەرىلەدى.
«بولاشاق» ستيپەندياتتارى شەتەلدىك جوعارى وقۋ ورىندارىندا اكادەميالىق وقۋىن اياقتاعاننان كەيىن الەمدەگى ۇزدىك حالىقارالىق كومپانيالاردا جۇمىس ىستەي الادى. بۇل ولارعا جەتەكشى ۇيىمداردا تاجىريبە جيناقتاپ, حالىقارالىق دەڭگەيدەگى كاسىبي بايلانىستار ورناتۋعا مۇمكىندىك بەرەدى», دەپ ءتۇسىندىردى عىلىم جانە جوعارى ءبىلىم مينيسترلىگى حالىقارالىق ىنتىماقتاستىق دەپارتامەنتىنىڭ ديرەكتورى ءلاززات ءادىلوۆا.
حالىقارالىق باعدارلاما ستيپەندياتتارى الەمدەگى ءىرى كومپانيالاردىڭ رەيتينگىنە كىرەتىن ۇيىمعا ءوز بەتىنشە جۇمىسقا ورنالاسۋى ءتيىس.
ەسكەرەتىن جاعداي شەگەرۋ مەرزىمى 1 جىلدان اسپاۋى ءتيىس.
ايتا كەتەيىك 2023 جىلى «بولاشاق» حالىقارالىق باعدارلاماسى اياسىندا ماگيستراتۋرا جانە رەزيدەنتۋرا باعدارلامالارىنا 395 ستيپەنديا, دوكتورانتۋراعا 50 ستيپەنديا, تاعىلىمدامادان ءوتۋ ءۇشىن 110 ستيپەنديا ءبولىندى.
