بۇل سەرۆيس جۇمىس بەرۋشىگە قىزمەتكەردىڭ كەلىسىمىمەن جۇمىسقا ورنالاسۋ ءۇشىن قاجەتتى دەربەس دەرەكتەرگە قول جەتكىزۋگە مۇمكىندىك بەرۋ ارقاسىندا اڭگىمەلەسۋ جانە جۇمىسقا ورنالاسۋ پروتسەستەرىن جەڭىلدەتۋگە ارنالعان.
ماسەلەن, «جەكە ءىس» سەرۆيسىنىڭ كومەگىمەن ءاربىر جۇمىسكەر ءۇشىن دەرەكتەر بازاسى قالىپتاستىرىلادى - فوتوسۋرەت, جەكە كۋالىك دەرەكتەرى, تولقۇجات, تۇراقتى تىركەۋ مەكەنجايى, ءبىلىمى, ەڭبەك قىزمەتى, 075/ج انىقتاماسى, پسيحوتەراپەۆتكە تىركەلۋ/ ەسىرتكى/تۇتىك. ديسپانسەر جانە ت.ب. قىزمەتكەر ءموبيلدى ازاماتتار بازاسىندا نەمەسە HR.Enbek پورتالىنداعى (بۇدان ءارى – پورتال) جەكە كابينەتىندە تىركەلگەن نومىرگە جىبەرىلگەن SMS-حابارلاماعا جاۋاپ بەرۋ ارقىلى جۇمىس بەرۋشىگە اتالعان جەكە مالىمەتتەرگە قول جەتكىزۋگە كەلىسىمىن راستايدى.
«جەكە ءىس» سەرۆيسىنىڭ مۇمكىندىكتەرىنەن باسقا, پورتالدا جۇمىس بەرۋشىلەرگە ەڭبەك شارتتارى بويىنشا مالىمەتتەرگە تىركەۋ, قاراۋ, تۇزەتۋلەر مەن تولىقتىرۋلار ەنگىزۋ, الەۋمەتتىك دەمالىستاردى, اۋدارىمداردى تىركەۋ جانە كاسىپورىندى قايتا ۇيىمداستىرۋ فۋنكتسيالارى قولجەتىمدى, ەڭبەك زاڭناماسىن بۇزۋشىلىقتاردىڭ بار-جوعىنا ءانونيمدى نە رۇقسات ەتىلگەن تەست تاپسىرۋعا مۇمكىندىك بار.
ءوز كەزەگىندە قىزمەتكەرلەر ءۇشىن پورتالدا جەكە كابينەت ىسكە اسىرىلدى, وندا ولار ءوز شارتتارىن كورە الادى, جۇمىس ورنىنان انىقتامانى جۇكتەي الادى, سونداي-اق دەربەس دەرەكتەردى وڭدەۋگە كەلىسىمگە قول قويا الادى.
سونداي-اق پورتالدىڭ ارقاسىندا ەڭبەك قىزمەتىن تۇزەتۋ سەرۆيسى ىسكە اسىرىلدى. ماسەلەن, E-gov پورتالىنداعى جەكە كابينەتتە ازامات تىركەلگەن ەڭبەك شارتىنىڭ دۇرىستىعىن تەكسەرە الادى جانە وزەكتى ەمەس مالىمەتتەر انىقتالعان جاعدايدا ولاردى وزگەرتۋ ءۇشىن HR.Enbek پورتالىنا قايتا باعىتتالادى, وندا ول ەڭبەك شارتىن بۇزۋ بويىنشا وزگەرىستەر نەمەسە اقپارات ەنگىزۋ تۋرالى سۇراۋ جىبەرە الادى.
سۇراۋ سالۋدى قالىپتاستىرۋ ءۇشىن ەڭبەك شارتىنا وزگەرىستەر ەنگىزۋ نە ونى بۇزۋ كۇنىن, سەبەپتەرىن كورسەتۋ, راستايتىن قۇجاتتى قوسا بەرۋ جانە ەتسق كومەگىمەن قول قويۋ قاجەت. ەڭبەك شارتىن الىپ تاستاعان كەزدە راستايتىن قۇجاتتى قوسا بەرۋدىڭ قاجەتى جوق. جوعارىدا كورسەتىلگەن راسىمدەردەن كەيىن ۋاكىلەتتى ورگان سۇراۋ سالۋدى قارايدى جانە ءۇش جۇمىس كۇنى ىشىندە شەشىم قابىلدايدى.
