نۇرلان ءابدىروۆتىڭ ايتۋىنشا, بۇل كوميسسياعا دا, سايلاۋشىلاردىڭ وزدەرىنە دە داۋىستاردى بەرۋ جانە ساناۋ كەزىندە ىڭعايلى بولۋ ءۇشىن جاسالعان. سونداي-اق سايلاۋ بيۋللەتەندەرىنىڭ ولشەمى دە وزگەرەتىنى حابارلاندى.
«بيۋللەتەندەر سانى بىرنەشە ەسە ارتىپ كەلەدى. سونىمەن بىرگە ءبىز ءتيىستى تاجىريبە جاساپ, ادەتتەگى ا4 ورنىنا ا5 ولشەمدى بيۋللەتەن قولدانۋ ءتيىمدى ەكەنىن اڭعاردىق», دەپ اتاپ ءوتتى نۇرلان ءابدىروۆ.
ورتالىق سايلاۋ كوميسسياسى توراعاسىنىڭ ورىنباسارى كونستانتين پەتروۆ ەسەپتەن شىعارۋ كۋالىكتەرىنىڭ دە ءتۇسى ءارتۇرلى بولاتىنىن ايتتى.
«كۋالىكتەردىڭ بەس ءتۇرلى ءتۇسى بولادى, بۇل اكىمشىلىككە قوسىمشا اشىقتىق بەرەدى», دەپ قوستى كونستانتين پەتروۆ.
