newsroom.kz
ساياحاتشىلار ەڭ كوپ بارعان قازاقستاننىڭ كورىكتى جەرلەرىنىڭ توپ بەستىگىن نازارلارىڭىزعا ۇسىنامىز.
بەسىنشى ورىن – شارىن شاتقالى. شالعاي جاتقانىنا قاراماستان شارىن شاتقالى ساياحاتشىلار كورۋگە قۇمارتاتىن ەلىمىزدەگى كورىكتى ورىنداردىڭ ءبىرى. وتكەن جىلى بۇل القاپتى 45 مىڭنان استام ادام ارالاعان.
ءتورتىنشى ورىن - باياناۋىل. باياناۋىلعا بارۋ بۇگىندە ەل ىشىندە سانگە اينالىپ كەلەدى. بىلتىر ۇلتتىق ساياباق اۋماعىندا 85 مىڭ تۋريست دەمالىپتى.
ءۇشىنشى ورىن – كولساي كولدەرى. كولساي كولدەرى دە ساياحاتشىلار اراسىندا ۇلكەن سۇرانىسقا يە. مۇندا كەلگەن تۋريستەردىڭ سانى 190 مىڭنان اسادى.
ەكىنشى ورىن – بۋراباي. وتاندىق ءتۋريزمنىڭ بويتۇمارىنا اينالعان بۋراباي ۇلتتىق ساياباعى كەلۋشىلەر سانى بويىنشا دا كوش باسىندا. كوكشەنىڭ كوز تويماس كورىكتى جەرلەرىندە 550 مىڭنان استام ادام قىدىرىپتى.
ءبىرىنشى ورىن – ىلە الاتاۋى. مادەنيەت جانە سپورت مينيسترلىگى تۋريزم كوميتەتىنىڭ اقپاراتى بويىنشا 2022 جىلى تۋريستەر اراسىندا ەڭ تانىمال ورىن اتاعىن - ىلە-الاتاۋى ۇلتتىق تابيعي ساياباعى جەڭىپ العان. وتكەن جىلى ىلە-الاتاۋىنىڭ تابيعاتىن 628 مىڭ تۋريست تاماشالاعان.
