ءىس-شارالارعا جەرگىلىكتى اتقارۋشى ورگاندارىنىڭ وكىلدەرى, وبلىس پروكۋراتۋرالارىنىڭ قىزمەتكەرلەرى, اۋماقتىق سايلاۋ كوميسسيالارىنىڭ مۇشەلەرى, كانديداتتاردىڭ سايلاۋالدى شتابتارىنىڭ وكىلدەرى, حالىقارالىق بايقاۋشىلار مەن باق وكىلدەرى قاتىستى.
ورتالىق سايلاۋ كوميسسياسىنىڭ مۇشەلەرى قاتىسۋشىلارعا سايلاۋ زاڭناماسىنىڭ بارلىق جاڭالىعىن جانە سايلاۋ الدىنداعى ۇگىتتى قارجىلاندىرۋ ماسەلەلەرىن ءتۇسىندىردى, سونداي-اق 29 بىرمانداتتىق وكرۋگ بويىنشا ءماجىلىس دەپۋتاتتىعىنا كانديداتتاردى تىركەۋ بويىنشا قورىتىندىلاردى جەتكىزدى.
وبلىس اكىمى اپپاراتى باسشىسىنىڭ ورىنباسارى باقىتگۇل ءنۇسىپوۆا وبلىستا بارلىعى 458 سايلاۋ ۋچاسكەسى قۇرىلعانىن باياندادى. وبلىس اۋماعىنداعى بارلىق سايلاۋ ۋچاسكەسى جۇمىسىن باستادى. ولاردى ماتەريالدىق-تەحنيكالىق جاراقتاندىرۋ, ونىڭ ىشىندە مۇگەدەكتىگى بار ادامدار ءۇشىن قاجەتتى جاعدايلاردى ەسكەرە وتىرىپ شارالار قابىلداندى.
داۋىس بەرۋ كۇنى مۇگەدەكتىگى بار ازاماتتاردى سايلاۋ ۋچاسكەلەرىنە جەتكىزۋ ءۇشىن «ينۆاتاكسي» قىزمەتىنىڭ 24 اۆتوكولىگىنىڭ جۇمىسىن ۇيىمداستىرۋ جوسپارلانىپ وتىر. سونداي-اق ءتۇسىندىرۋ جۇمىستارىن جۇرگىزۋ ماقساتىندا وبلىستىڭ بارلىق اۋداندارى مەن قالالارىندا 17 Call-ورتالىق, تەلەگرام-بوت جانە «سايلاۋشىلار تىزىمىندە ءوزىڭدى تەكسەر» ونلاين-سەرۆيسى جۇمىس ىستەيدى. تاۋلىك بويى ءبىر ۋاقىتتا 10 قوڭىراۋدى قابىلداي الاتىن بىرىڭعاي بايلانىس ورتالىعى جۇمىس ىستەيدى. قوعامدىق بايقاۋدى بىرىڭعاي ۇيلەستىرۋدى قامتاماسىز ەتۋ ءۇشىن جەتىسۋ وبلىسى بويىنشا 11 ادامنان تۇراتىن ۇيلەستىرۋشىلەردىڭ ءتىزىمى جانە «داۋىس» قوعامدىق بايقاۋشىلار كواليتسياسى رقب فيليالىنان جانە ۇەۇ سەرىكتەستەرىنەن 886 ادامنان تۇراتىن تاۋەلسىز بايقاۋشىلار پۋلى قالىپتاستىرىلدى.
وسى ءتارىزدى جۇمىس الماتى وبلىسىندا دا جۇرگىزىلىپ كەلەدى. اكىم اپپاراتىنىڭ باسشىسى تولەگەن سارسەمباەۆ وبلىس تۇرعىندارى وزدەرىنىڭ سايلاۋ ۋچاسكەسى تۋرالى اقپاراتتى جانە وزدەرىن سايلاۋشىلار تىزىمىنەن «سايلاۋشىلاردى ىزدەۋ» ونلاين-سەرۆيسىندە, تەلەگرام-بوتتا, سونداي-اق 10 اۋداندا جانە قوناەۆ قالاسىندا بار Call-ورتالىقتار ارقىلى تەكسەرە الاتىنىن حابارلادى.
بۇگىنگى تاڭدا كانديداتتاردىڭ سايلاۋشىلارمەن كەزدەسۋلەرىن وتكىزۋ ءۇشىن 197 ءۇي-جاي جانە كورنەكى ۇگىت-ناسيحات جۇرگىزۋ ءۇشىن 709 ورىن انىقتالدى. سايلاۋ ۋچاسكەلەرىندە مۇمكىندىگى شەكتەۋلى 1353 ازامات ءۇشىن ەرەكشە جاعداي قامتاماسىز ەتىلگەن. بۇگىنگى تاڭدا 601 ۋچاسكەنىڭ 595-ءى پاندۋستارمەن, 390-ى كىرە بەرىستە تاكتيلدى كورسەتكىشتەرمەن قامتاماسىز ەتىلگەن.
بۇدان باسقا, داۋىس بەرۋ كەزەڭىندە مۇگەدەكتىگى بار ادامدار ءۇشىن بارلىق ۋچاسكەدە بۇرىشتار ۇيىمداستىرىلادى جانە كابينالار جابدىقتالادى, ەستۋ قابىلەتى بۇزىلعان سايلاۋشىلار ءۇشىن ىم ءتىلى ماماندارى تارتىلادى, سونداي-اق وبلىس ورتالىعىندا جانە بارلىق اۋداندا داۋىس بەرۋ كۇنى «ينۆاتاكسي» قىزمەتىنىڭ 18 اۆتوكولىگى تارتىلادى.
وسك مۇشەلەرى بارعان وبلىستار مەن الماتى قالاسىندا اۋماقتىق سايلاۋ كوميسسيالارى ءۇشىن ناقتى كەيستەر نەگىزىندە ىسكەرلىك ويىن تۇرىندە ترەنينگتەر وتكىزىلدى.
ۇيىمداستىرىلعان ويىن بارىسىندا سايلاۋ كوميسسيالارىنىڭ مۇشەلەرى داۋىس بەرۋدىڭ بارلىق بارىسىن قامتيتىن ۋچاسكەلەردە داۋىس بەرۋ ۇدەرىسىن كورسەتتى. ولار داۋىس بەرۋ كۇنى ۋچاسكەلىك سايلاۋ كوميسسيالارىنىڭ داۋىس بەرۋشىلەردى تىركەۋدەن باستاپ, بيۋللەتەندەر بەرۋ جانە بارلىق جۇمىس اياقتالعانعا دەيىن قالاي جۇمىس ىستەيتىنىن كورسەتتى.
سەمينار-كەڭەس سوڭىندا ورتالىق سايلاۋ كوميسسياسىنىڭ مۇشەلەرى اۋماقتىق سايلاۋ كوميسسيالارىنىڭ مۇشەلەرىن قىزىقتىراتىن سۇراقتارعا جاۋاپ بەردى.
