ءوڭىر بويىنشا ساپار سەمەي قالاسىنداعى يادرولىق مەديتسينا جانە ونكولوگيا ورتالىعىنا بارۋدان باستالدى. ورتالىق راديوفارماتسەۆتيكالىق پرەپاراتتاردى وندىرۋدەن باستاپ راديونۋكليدتى دياگنوستيكا مەن تەراپياعا دەيىنگى تولىق تسيكلدى قامتيدى. بۇل قازاقستانداعى العاشقى راديونۋكليدتىك تەراپيا بولىمشەسى. راديوفارماتسەۆتيكالىق پرەپاراتتاردى قولدانۋ ەمدەلۋشىلەرگە شەتەلگە شىقپاي-اق ىشكى ەم الۋعا مۇمكىندىك بەردى.
بۇل رەتتە ورتالىققا زاماناۋي مامانداندىرىلعان تەحنولوگيالىق جابدىقتاردى ورنالاستىرۋ, ماتەريالدىق-تەحنيكالىق بازانى جاڭارتۋ ءۇشىن جاڭا حيرۋرگيالىق كورپۋس قاجەت. بۇل ماسەلە دەنساۋلىق ساقتاۋ مينيسترلىگىنىڭ جۇمىس جوسپارىنا ەنگىزىلگەن.
سونداي-اق پرەمەر-ءمينيستردىڭ ورىنباسارى 150 ورىندىق مۇگەدەكتەردى وڭالتۋ ورتالىعىمەن تانىستى. مەكەمە مەملەكەت باسشىسىنىڭ تاپسىرماسىمەن سالىنعان. ورتالىقتا وڭالتۋدى قاجەت ەتەتىن مۇمكىندىگى شەكتەۋلى جاندارعا جاعداي جاسالعان.
وبلىستى دامىتۋدىڭ كەشەندى جوسپارىنا سايكەس سەمەي جانە اياگوز قالالارىندا تاعى ەكى وڭالتۋ ورتالىعى, ەكى ەمحانا, كوپسالالى بالالار اۋرۋحاناسى, سونداي-اق «جايلى مەكتەپ» باعدارلاماسى اياسىندا 10 مىڭنان استام وقۋشىعا ارنالعان 11 مەكتەپ سالىنادى دەپ كۇتىلۋدە.
سونىمەن قاتار 2023-2024 جىلدارعا ارنالعان اۋىلدىق دەنساۋلىق ساقتاۋ سالاسىن جاڭعىرتۋدىڭ ۇلتتىق پيلوتتىق جوباسى اياسىندا اباي وبلىسىندا 65 دەنساۋلىق ساقتاۋ نىسانىن سالۋ جوسپارلانعان.
«اۋىل اماناتى» اۋقىمدى باعدارلاماسى اۋىل تۇرعىندارى ءۇشىن يگى باستاما. ءوڭىردىڭ اگرارلىق الەۋەتىن ەسكەرسەك, اۋىل تۇرعىندارىنىڭ سۇرانىسقا يە ونىمدەردى ءوندىرىپ, ءوز ءىسىن دامىتۋعا زور مۇمكىندىگى بار», دەدى ا. كولگىنوۆ.
ۆيتسە-پرەمەردىڭ وبلىسقا ساپارى كۇردەلى جوندەۋ مەن جاڭعىرتۋدى قاجەت ەتەتىن سول جاعالاۋداعى جەدەل جاردەم قوسالقى ستانساسىنا بارۋمەن, سونىمەن قاتار م. اۋەزوۆ اتىنداعى پەداگوگيكالىق كوللەدجدەگى وقىتۋشىلاردى دايارلاۋ بارىسىمەن تانىسۋمەن اياقتالدى.
