تاراپتار ساياسي, ساۋدا-ەكونوميكالىق جانە مادەني-گۋمانيتارلىق ماسەلەلەر بويىنشا سۇراقتاردى تالقىلاپ, حالىقارالىق كۇن تارتىبىندەگى وزەكتى ماسەلەلەر بويىنشا پىكىر الماستى.
جوعارعى جانە جوعارى دەڭگەيدەگى ەلدەر اراسىنداعى جۇيەلى بايلانىستارعا ەرەكشە نازار اۋدارىلىپ, بۇل ەكىجاقتى قازاقستاندىق-يسپان قاتىناستارىنىڭ ستراتەگيالىق سيپاتىنىڭ تاعى ءبىر دالەلى ەكەندىگى ايتىلدى.
وسى تۇرعىدا تاراپتار يسپانيانىڭ سىرتقى ىستەر, ەۋروپالىق وداق جانە ىنتىماقتاستىق ءمينيسترى حوسە مانۋەل البارەستىڭ قازاقستانعا جوسپارلانعان رەسمي ساپارىن تالقىلادى.
كەلىسسوزدەردىڭ بولەك تاقىرىبى وسى جىلدىڭ ەكىنشى جارتىسىندا يسپانيانىڭ ەۋرووداقتاعى توراعالىعى بولدى. ەلشى يسپان ارىپتەستەرىنە وسى جاۋاپتى ميسسيادا ساتتىلىك تىلەدى.
ءوز كەزەگىندە ا. مورەنو باۋ قازاقستان پرەزيدەنتى قاسىم-جومارت توقاەۆ باستاعان اۋقىمدى ساياسي رەفورمالاردى رەسمي مادريد تولىق قولدايتىنىن راستاپ, الداعى قر پارلامەنتى ءماجىلىسى سايلاۋىنىڭ ماڭىزدىلىعىن اتاپ ءوتتى.
