«كوتەرىلگەن ماسەلەلەردىڭ ءبىرى - كارىز جۇيەسىنىڭ جۇمىسى. قازىر جوبالاۋ جۇمىسىن جۇرگىزىپ جاتىرمىز. تىعىز ورنالاسقان قۇرىلىستان ءارى نىسانداردىڭ كەيبىر جەرى قىزىل سىزىقتان اسىپ كەتكەندىكتەن جۇمىس بارىسى قيىنداپ تۇر. سەبەبى جەلىلەردى توسەۋگە ارنالعان ءدالىزدى تابۋ قيىن. دەگەنمەن وسى باعىتتا جۇيەلى جۇمىس جۇرگىزىپ جاتىرمىز. جوبالاۋ جۇمىسىن جىل سوڭىنا دەيىن اياقتاۋدى جوسپارلاپ وتىرمىز, ال كەلەر جىلى كارىز قۇرىلىسىن باستايمىز. سول سياقتى بيىل كارىز جۇيەسىنە سۇزگى ورناتۋدى جوسپارلاپ وتىرمىز», دەپ جازدى اكىم.
سونىمەن قاتار گازداندىرۋ ماسەلەسى دە كوتەرىلگەن. «كوكتال-1» ەلدى مەكەنىندە كۆارتالىشىلىك جەلىلەر سالىنعانىنا قاراماستان جەكەلەگەن تۇستاردا قالعان ۇيلەر بار. مۇنداي ۇيلەر ءۇشىن گازعا قوسىلۋدىڭ بالاما جولدارى قاراستىرىلادى. ۇيلەردىڭ گازعا قوسىلۋىن جەڭىلدەتۋ ءۇشىن رۇقسات بەرۋ قۇجاتتارىنىڭ ءتىزىمى قىسقارتىلدى, تۇرعىنداردىڭ مۇقتاج ساناتتارىنا بولىنەتىن سوما مولشەرى ۇلعايدى. ماتەريالدىق كومەك مولشەرى - 450 مىڭ تەڭگەگە دەيىن (130 اەك).
سونداي-اق الەۋمەتتىك نىساندار, جولدار سالۋ, اۋداندى اباتتاندىرۋ, ينتەرنەت جۇرگىزۋ, قوسىمشا اۆتوبۋس مارشرۋتتارىن ىسكە قوسۋ, سۋ قىسىمىن ارتتىرۋ, جارىقتاندىرۋ, شوب نىساندارىنىڭ زاڭسىز قىزمەتى جانە ت.ب. ماسەلەلەر كوتەرىلگەن.
− «كوكتال-1» ەلدى مەكەنىندە دەنە شىنىقتىرۋ-ساۋىقتىرۋ كەشەنىن سالۋ جوباسىنا تۇزەتۋ ەنگىزەمىز. تۇرعىنداردىڭ قاجەتتىلىكتەرى مەن تىلەكتەرىن ەسكەرە وتىرىپ, بۇل سپورت ورتالىعىن باسسەينمەن, حوككەي كورتىمەن جوبالايتىن بولامىز. سول سياقتى №41 مەكتەپتى تەحنيكالىق تەكسەرۋدەن وتكىزەمىز, ال جوندەۋ جۇمىسىن كەلەر جىلى اياقتايمىز. بيىل جاڭا كورپۋس (قوسىمشا) سالامىز. جالپى الەۋمەتتىك نىساندار بويىنشا ماسەلەلەر بار ەكەنى ەسكەرىلە كەلە ەلدى مەكەندى دامىتۋ جوسپارىن قاراپ, ەنگىزەتىن بولامىز.
وزگە دە اۋدانداردىڭ, ەلدى مەكەندەردىڭ تۇرعىندارىمەن تۇراقتى تۇردە كەزدەسۋدى جالعاستىرامىن, سونىمەن قاتار اپتا سايىن ازاماتتاردى قابىلدايمىن, − دەپ جازدى ەلوردا اكىمى.
