ۇلتتىق قاۋىپسىزدىك كوميتەتى ۇيىمداسقان قىلمىس تۇرلەرىنە قارسى كۇرەس ءىس-شارالارىن جۇرگىزۋ اياسىندا قىلمىستىق «كاسىپتىڭ» جولىن كەسۋدى جالعاستىرىپ كەلەدى. 2023 جىلعى قاڭتاردا ۇقك پروكۋراتۋرا ورگاندارىمەن بىرگە كيىكتىڭ مۇيىزدەرىن زاڭسىز ءوندىرۋ جانە ساتۋ ارناسىن ۇيىمداستىرۋعا قاتىستى ادامدار توبىن قىلمىس ۇستىندە قولعا ءتۇسىردى. قۇندى تاۋاردىڭ ءىرى پارتياسىن ساۋدالاۋ ارەكەتى كەزىندە ماڭعىستاۋ ءوڭىرىنىڭ قىلمىستىق الەمىنە قاتىسى بار بۇرىن سوتتى بولعان ەكى ادام ۇستالدى.
«مەملەكەتكە 1 ملرد تەڭگەدەن اسا زالال كەلتىرىلگەنىن جانە قازاقستانداعى اقبوكەندەردىڭ تارالۋىنا ەداۋىر كەرى اسەرىن تيگىزگەندەرىن دالەلدەيتىن ايعاقتار جيناقتالدى. سوتقا دەيىنگى تەرگەۋ اياسىندا قر قك 339-بابى 3-بولىگى 2-تارماعى بويىنشا زاڭعا قايشى ارەكەتتىڭ وزگە دە قاتىسۋشىلارىن انىقتاۋعا باعىتتالعان جەدەل تەرگەۋ ءىس-شارالار كەشەنى جۇرگىزىلىپ جاتىر», دەلىنگەن ۇقك تاراتقان مالىمەتتە.
