كورتقا العاشقى بولىپ قاراعاندىلىق ارسلانبەك ايتقۇلوۆ پەن الماتىلىق نيكيتا سيدوروۆ شىقتى. ءبىرىنشى سەتتى ارسلانبەك تازا جەڭدى. ەكىنشى پارتيادا قاراعاندى تەننيس مەكتەبىنىڭ تاربيەلەنۋشىسى باياۋلاعان جوق, شابۋىل ويىنىن ۇستاندى. ول ءوز مانسابىندا العاش رەت ەلدەگى ەرەسەكتەر بىرىنشىلىگىنىڭ فينالىندا وينايدى. وندا وعان تاجىريبەلى تيمۋر ءحابيبۋليندى 2:6, 7:6 (7:1), 7:6 (7:3) ەسەبىمەن جەڭگەن تيمۋر ماۋلەنوۆ قارسى تۇرادى.
فينالدا ايەلدەر اراسىندا 14 جاستاعى اريانا گوگۋلينا جانە 15 جاستاعى البينا كاكەنوۆا باق سىنايدى. اريانا جارتىلاي فينالدا ادەمى امانگەلدىنىڭ قارسىلىعىن بۇزدى – 6:4, 4:6, 6:0, ال البينا ايا مىرزاقۇلوۆانى جەڭدى– 7:6 (7:3), 6:4.
بۇگىن قازاقستاننىڭ قىسقى چەمپيوناتىندا ەرلەر مەن ايەلدەر اراسىنداعى جەكەلەي سىندا قازاقستاننىڭ جاڭا چەمپيونىنىڭ اتى انىقتالادى.
