ەسەپتى العاشقى بولىپ رەسەيلىك كلۋب اشتى. ويىننىڭ 4-مينۋتىندا «بارىس» حوككەيشىسى ميحايل راحمانوۆ ەسەپتى تەڭەستىردى.
ال 7-مينۋتتا پاۆەل كراسكوۆسكي «لوكوموتيۆتى» العا شىعاردى.
ەكىنشى كەزەڭنىڭ 26-مينۋتىندا ماكسيم وسيپوۆ كەزدەسۋدەگى ەكىنشى شايباسىن سوقسا, 27-مينۋتتا سەرگەي اندرونوۆ باسىمدىقتى ارتتىرا ءتۇستى.
وعان 34-مينۋتتا قازاقستاندىق كوماندادان دميتري شەۆچەنكو ءبىر شايبامەن جاۋاپ قايىردى.
ويىننىڭ 44-مينۋتىندا «لوكوموتيۆ» حوككەيشىسى ستەپان نيكۋلين مەرگەندىك تانىتسا, قازاقستاندىق ميحايل راحمانوۆ 47-مينۋتتا ەسەپ ايىرماسىن قىسقارتتى.
كەزدەسۋدە «بارىس» قارسىلاسىنا 3:5 ەسەبىمەن ەسە جىبەردى.
ەندى قۇرلىقتىق حوككەي ليگاسىنىڭ تۇراقتى كەزەڭى مارەسىنە جەتىپ, پلەي-وفف ساتىسى باستالادى. «بارىس» قازىر تۋرنير كەستەسىندە 20-ورىنعا ءتۇسىپ, جارىستىڭ اتالعان ساتىسىنا شىعۋدان تىس قالدى.
