ءىس-شارا بارىسىندا جوعارى ءبىلىم جانە عىلىم سالاسىنداعى ەكى جاقتى قاتىناستارعا قاتىستى بىرقاتار ماڭىزدى ماسەلەلەر تالقىلاندى. مينيستر ەلشىگە اقپان ايىنىڭ باسىندا وتكەن 9-شى ۇلىبريتانيا-قازاقستان «جوعارى ءبىلىم سالاسىنداعى مەملەكەتتەر ىنتىماقتاستىعى ارقىلى مەملەكەتارالىق بايلانىستاردى نىعايتۋ» ۇكىمەتارالىق كوميسسياسىنىڭ جۇمىس قورىتىندىلارى جايلى ايتتى. سونداي-اق مەيمانعا پرەزيدەنت قاسىم-جومارت توقاەۆ بەكىتكەن مينيسترلىكتىڭ نەگىزگى باسىمدىقتارىن اتادى.
«مەملەكەت باسشىسى عىلىم جانە جوعارى ءبىلىم مينيسترلىگىنىڭ الدىنا ەلدەگى عىلىمدى, ونىڭ ىشىندە ۋنيۆەرسيتەتتىك عىلىمدى دامىتۋ بويىنشا مىندەتتەر قويدى. وسى ماقساتتا قر ۇكىمەتى ىنتىماقتاستىق گەوگرافياسىن كەڭەيتۋ ءۇشىن جاعداي جاساۋدا. قازىرگى ۋاقىتتا ق. جۇبانوۆ اتىنداعى اقتوبە وڭىرلىك ۋنيۆەرسيتەتىنىڭ بازاسىندا Heriot-Watt ۋنيۆەرسيتەتىن اشۋ جۇمىستارى جۇرگىزىلۋدە», دەدى ساياسات نۇربەك.
كەزدەسۋ سوڭىندا تاراپتار ۇلىبريتانيادا «بولاشاق» حالىقارالىق ستيپەندياسىن ىسكە اسىرۋدى تالقىلاپ, ەكى ەلدىڭ جوعارى ءبىلىم جانە عىلىم سالاسىنداعى ىنتىماقتاستىعىن كەڭەيتۋ مۇمكىندىگىن قاراستىرۋعا كەلىستى.
