ۇزاق ۋاقىتقا جالعاسقان ساتسىزدىكتەن كەيىن جەرلەسىمىز بىرتە-بىرتە ەس جيىپ كەلەدى. وسى ءتۋرنيردىڭ العاشقى كەزەڭىندە الەمنىڭ 67-راكەتكاسى سەربيالىق فيليپ كراينوۆيچتى ءۇش سەتتە (7:5, 6:3, 6:4) تىزە بۇكتىرسە, ەكىنشى اينالىمدا رەيتينگتە 58-ساتىعا جايعاسقان فرانتسيالىق گرەگۋار باررەردى جارىس جولىنان ىعىستىرىپ, شيرەك فينالعا شىقتى. ءبىر ساعاتقا جالعاسقان ماتچتا بۋبليك كورت قوجايىنىنان 6:4, 6:2 ەسەبىمەن باسىم ءتۇستى.
ءبىر ايتا كەتەرلىگى, ەكى تەننيسشى جۋىردا عانا مونپەلەدە وتكەن جارىستا كەزدەسىپ, بۋبليك تارتىستى ماتچتا قارسىلاسىنا 4:6, 7:6 (14:12), 6:7 (3:7) ەسەبىمەن ەسە جىبەرگەن ەدى. ەندى الەكساندر بۋبليك جارتىلاي فينالعا شىعۋ ءۇشىن الەمنىڭ 25-راكەتكاسى بولگاريالىق گريگور ديميتروۆ نەمەسە رەيتينگتە 116-ورىندا تۇرعان نيدەرلاندتىق گيس برۋۆەردىڭ بىرىمەن كەزدەسەدى.
وكىنىشكە قاراي, دۋبايداعى «WTA 1000» تۋرنيرىندە ءساتتى ونەر كورسەتىپ كەلە جاتقان قازاقستاننىڭ ءبىرىنشى, الەمنىڭ 10-راكەتكاسى ەلەنا رىباكينا جاراقاتىنا بايلانىستى جارىستان شىعىپ قالدى.
