قازاقستان رەسپۋبليكاسى ەنەرگەتيكا مينيسترلىگى بەكىتكەن مۇناي جەتكىزۋ كەستەسىنە سايكەس «قازترانسويل» اق اقپان ايىندا 20 مىڭ توننا قازاقستاندىق مۇنايدى «درۋجبا» مۇناي قۇبىرى ارقىلى ودان ءارى گەرمانياعا جەتكىزۋ ءۇشىن اداموۆا زاستاۆا مۇناي جەتكىزۋ پۋنكتىنە تاسىمالدايدى.
2022 جىلدىڭ جەلتوقسان ايىندا «قازترانسويل» اق 2023 جىلى 1,2 ملن توننا قازاقستاندىق مۇنايدى ودان ءارى گەرمانياعا جەتكىزۋ ءۇشىن «ترانسنەفت» جاق ماگيسترالدىق مۇناي قۇبىرلارى جۇيەسى ارقىلى اداموۆا زاستاۆا مۇناي جەتكىزۋ پۋنكتى باعىتىندا تاسىمالداۋعا جىل سايىنعى ءوتىنىم جىبەردى.
مۇنايدىڭ بۇل ءترانزيتى قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى 2002 جىلعى 7 ماۋسىمداعى ءتيىستى كەلىسىم اياسىندا جۇزەگە اسىرىلادى.
