ءبىلىم بەرۋدىڭ بارلىق ءۇش دەڭگەيىندە: «مەملەكەتتىك جانە جەرگىلىكتى باسقارۋ» ماماندىعى بويىنشا باكالاۆريات, «يننوۆاتسيالىق مەنەدجمەنت» ماماندىعى بويىنشا ماگيستراتۋرا جانە دوكتورانتۋرادا اقنۇر جيدەبەكقىزى ءال-فارابي اتىنداعى قازۇۋ-دە ءبىلىم الدى. «مەنەدجمەنت» كافەدراسىندا وقىتۋشى, اعا وقىتۋشى رەتىندە قىزمەت اتقارا ءجۇرىپ, 2017 جىلدىڭ جەلتوقسانىندا «قازاقستانداعى عىلىمي-زەرتتەۋ جۇمىستارىنىڭ ناتيجەلەرىن كوممەرتسيالاندىرۋدى باسقارۋ (جاسىل تەحنولوگيالار مىسالىندا)» تاقىرىبىنداعى ديسسەرتاتسياسىن اعىلشىن تىلىندە ءساتتى قورعادى. 2018 جىلى اقنۇر دەكاننىڭ عىلىمي-يننوۆاتسيالىق قىزمەت جانە حالىقارالىق بايلانىستار جونىندەگى ورىنباسارى لاۋازىمىنا شاقىرىلدى, بۇل قىزمەتىن ول ماگيسترانتتار مەن دوكتورانتتارعا «مەنەدجمەنت» كافەدراسىندا ساباق بەرۋمەن قوسا اتقارۋ ۇستىندە.
قازاق, ورىس جانە اعىلشىن تىلدەرىن ەركىن مەڭگەرۋ اقنۇرعا ستۋدەنتتەردىڭ پىكىرسايىس كلۋبىنا بەلسەنە ات سالىسۋىنا, ءتۇرلى عىلىمي-پراكتيكالىق كونفەرەنتسيالاردا بايانداما جاساۋىنا, وتاندىق جانە حالىقارالىق زەرتتەۋ جوبالارىنا قاتىسۋىنا مۇمكىندىك بەردى. ماسەلەن, ول قر عىلىم جانە جوعارى ءبىلىم مينيسترلىگى قارجىلاندىراتىن بىرنەشە جوبانى ورىنداۋعا قاتىستى, قازىرگى ۋاقىتتا «قازاقستانداعى تسيركۋليارلىق ەكونوميكانى دامىتۋ: الەۋەت, ۇردىستەر, پەرسپەكتيۆالار» تاقىرىبىنداعى جوبانىڭ عىلىمي جەتەكشىسى.
2018-2020 جىلدار ارالىعىندا اقنۇر ينستيتۋتسيونالدىق ۇيلەستىرۋشى رەتىندە ەۋرووداقتىڭ Erasmus+ باعدارلاماسىنىڭ 800 مىڭ ەۋرودان استام بيۋدجەتى بار «جاڭا الەۋمەتتىك ورتا – ENINEDU-گە سايكەس جوعارى ءبىلىم مەن كورپوراتيۆتىك سەكتورلاردىڭ ينتەگراتسياسىن جاقسارتۋ» تاقىرىبىنداعى حالىقارالىق جوباسىن ىسكە اسىردى. بۇل جوبانىڭ ماقساتى – وقۋ باعدارلامالارىندا وقىتۋدىڭ زاماناۋي ادىستەرىن قولدانۋ پراكتيكاسىن زەردەلەۋ جانە وقىتۋ ناتيجەلەرىن ولشەۋ, ءاربىر ارىپتەس ەل ءۇشىن قولايلى بيزنەس-جوو ىنتىماقتاستىق جۇيەسىندە كەشەندى ستاندارتتى دايىنداۋ, جوو-لاردىڭ بيزنەسپەن ىنتىماقتاستىعىنا قاتىستى ەو ەلدەرىندەگى ەتالوندىق ۇلتتىق زاڭناما بويىنشا تالدامالىق زەرتتەۋلەر جۇرگىزۋ. بۇل كاسىپكەرلىك سالاسىندا تۇلەكتەردى ساپالى دايارلاۋعا ىقپال ەتەدى.
اقنۇر جيدەبەكقىزى عىلىمي قىزمەتپەن بەلسەندى اينالىسادى. ول سينگاپۋردا, كورەيادا, نورۆەگيادا, اۆستراليادا وتكەن حالىقارالىق عىلىمي-پراكتيكالىق كونفەرەنتسيالارعا قاتىستى. يسپانيا, ۇلىبريتانيا, فرانتسيا, گرەكيا, سلوۆاكيا, اۆستراليا, ەستونيادا عىلىمي تاعىلىمدامادان ءوتتى. Erasmus+ وقىتۋشىلارىنىڭ ۇتقىرلىق باعدارلاماسى اياسىندا نيدەرلاندى مەن پولشادا ءدارىس وقىدى.
2019 جىلى اقنۇر ءال-فارابي اتىنداعى قازۇۋ «ۇزدىك جاس عالىم» بايقاۋىنىڭ جەڭىمپازى, 2021 جىلى «جاس عالىمدارعا ارنالعان مەملەكەتتىك عىلىمي ستيپەنديانىڭ» يەگەرى اتاندى. سونداي-اق ول – ديسسەرتاتسيالىق كەڭەستەردىڭ جانە قر عجبسسقەك ۇسىنعان باسىلىمدار تىزبەسىنە كىرەتىن عىلىمي جۋرنالداردىڭ رەداكتسيالىق القاسىنىڭ مۇشەسى, «Farabi Journal of Social Sciences» جۋرنالىنىڭ عىلىمي رەداكتورى. پروفەسسور-وقىتۋشىلار قۇرامى مەن دوكتورانتتاردىڭ عىلىمي جانە جاريالانىمدىق بەلسەندىلىگىن ارتتىرۋعا باعىتتالعان ۆەبينارلار سەرياسىنىڭ اۆتورى.
اقنۇر 50-دەن استام ماقالا جاريالاعان. عىلىمي زەرتتەۋلەر سالالارى يننوۆاتسيالىق مەنەدجمەنتتىڭ وزەكتى ماسەلەلەرىن, سونداي-اق جاسىل ەكونوميكانى, تۇراقتى دامۋدى, مەملەكەتتىك جانە جەرگىلىكتى باسقارۋدى, جوبالاردى باسقارۋدى زەرتتەۋگە ارنالعان كوپتەگەن ماسەلەلەردى قامتيدى. Scopus بازاسى بويىنشا حيرش يندەكسى 5-كە تەڭ.
اقنۇر جيدەبەكقىزى «جوعارى وقۋ ورنىنىڭ ۇزدىك وقىتۋشىسى – 2022» اتاعىنا ابدەن لايىقتى. اقنۇرعا وقۋ, عىلىمي جانە باسشىلىق قىزمەتىندە شىعارماشىلىق تابىس تىلەيمىز!
اقنۇر جيدەبەكقىزى – ءال-فارابي اتىنداعى قازۇۋ ەبجم «مەنەدجمەنت» كافەدراسىنىڭ ماقتانىشى.
گ. سانسىزباەۆا,
ە. ع. د., قازۇۋ, مەنەدجمەنت كافەدراسىنىڭ پروفەسسورى,
ل.اشىربەكوۆا,
ە. ع. ك., قازۇۋ, مەنەدجمەنت كافەدراسىنىڭ دوتسەنتى
