قازاقستان تەننيس فەدەراتسياسى ءمالىم ەتكەندەي, رىباكينا ەكىنشى اينالىمدا الەمنىڭ 26-راكەتكاسى, چەحيالىق ماريا بوۋزكوۆامەن شەبەرلىك بايقاستى. وسىعان دەيىن قارسىلاستاردىڭ جولى ءوزارا ءۇش رەت ءتۇيىسىپ, بارىندە قازاقستاندىق تەننيسشى جەڭگەن ەدى.
بۇل جولى ەلەنا ماتچتى برەيكپەن باستاعانىمەن, بوۋزكوۆا تارازى باسىن تەڭەستىرە الدى. دەگەنمەن ەلەنا تاعى ءبىر برەيك جاساپ, 6:5 ەسەبىمەن العا شىقتى. سوسىن سەتكە دوپ بەرگەندە, ءوز مۇمكىندىگىن جىبەرگەن جوق – 7:5.
قازاقستاندىق تەننيسشى ەكىنشى پارتيانى دا برەيكپەن باستادى – 2:0. سودان كەيىن تاعى ءبىر ەيس جاساپ, ماتچتى جەڭىسپەن تۇيىندەدى – 6:2.
رىباكينا شيرەك فينالعا شىعۋ ءۇشىن الەمنىڭ 6-راكەتكاسى, امەريكالىق كوكو گاۋفپەن تالاسادى. ول ەكىنشى اينالىمدا رەيتينگتە 43-ورىندا تۇرعان بەلارۋس وكىلى الەكساندرا ءساسنوۆيچتى تىزە بۇكتىردى – 6:0, 6:4.
تاعى ءبىر قازاقستاندىق, رەيتينگتە 46-ساتىداعى يۋليا پۋتينتسەۆا دۋبايدا ەكىنشى اينالىمدا الەمنىڭ 15-ءىنشى, وسى جارىستىڭ 12-راكەتكاسى, چەحيالىق پەترا كۆيتوۆامەن كەزدەسىپ, 4:6, 4:6 ەسەبىمەن جول بەردى.
