قازاقستاندىق تەننيسشى العاشقى اينالىمدا الەمنىڭ 67-راكەتكاسى, سەربيالىق فيليپ كراينوۆيچپەن كەزدەستى. وسىعان دەيىن الەكساندر وتكەن جىلدىڭ قازان ايىنان بەرى ءتۇرلى جارىستا ون رەت قاتارىنان جەڭىلىس تاپقان ەدى. بۇل جولى ءبىرىنشى پارتيادا سەربيالىق تەننيسشى ساتتىرەك وينادى – 7:5.
ەسەسىنە ەكىنشىسىندە برەيك جاساعان بۋبليك قارىمتا قايىردى – 6:3. قازاقستاندىق سپورتشى ءۇشىنشى, شەشۋشى سەتتى قوس برەيكپەن باستادى – 3:0. بۇدان كەيىن سەربيالىق سپورتشى برەيك جاساپ, ەسەپتى قىسقارتتى. دەگەنمەن قازاقستاندىق تەننيسشى ماتچتى ەيسپەن تۇيىندەدى – 6:4.
الەكساندر شيرەك فينالعا شىعۋ ءۇشىن الەمنىڭ 48-راكەتكاسى, شۆەيتساريالىق مارك-اندرەا حۋسلەر نەمەسە رەيتينگتە 58-ورىنداعى فرانتسيالىق گرەگۋار باررەردىڭ بىرەۋىمەن كەزدەسەدى.
