ناقتى مالىمەتكە سايكەس, اۋستراليالىق 59 جاستاعى ەر ادام ەل استاناسى نۋمەا قالاسىنىڭ جاعاجايىنان 150 مەتر جەردە قالقىمالى كوپىر ماڭىندا ءجۇزىپ جۇرگەن ۋاقىتتا اكۋلانىڭ شابۋىلىنا ۇشىراعان. ءبىرشاما ۋاقىتتان سوڭ ونى وسى ماڭايدا جۇرگەن ەكى تۋريست كاتەرگە كوتەرىپ, جاعاجايعا جەتكىزگەن. قۇتقارۋ قىزمەتى ەر ادامعا العاشقى كومەك كورسەتكەن, الايدا ونىڭ ەكى قولى مەن ەكى اياعى قاتتى جارالانىپ, كوپ قان جوعالتقانىنا بايلانىستى سول جەردە جان تاپسىرعان.
قاۋىپسىزدىك ماقساتىندا نۋمەا مەرى سونيا لاگارد وقيعا بولعان ايماقتاعى جاعاجايلاردى جاپقان جانە جولبارىس جانە بۇقا اكۋلالارىن ۇستاۋعا بۇيرىق بەرگەن. پوليتسيا ماىلىمەتىنشە, تەڭىز جىرتقىشتارىن ۇستاۋعا ۇشقىشسىز ۇشۋ اپاراتتارى جۇمىلدىرىلعان, سونىڭ ارقاسىندا ەكى اكۋلانىڭ قاي ايماقتا جۇرگەنى بەلگىلى بولعان. پروكۋرور مالىمەتىنشە, ەر ادامنىڭ ولىمىنە قاتىستى تەرگەۋ شارالارى باستالدى, ەندى قۇتقارۋشىلاردىڭ جىرتقىشتى نەگە بايقاماعانى تەكسەرىلىپ جاتىر.
تۇرعىنداردىڭ ايتۋىنشا, بۇل ءبىرىنشى جاعداي ەمەس. ءبىر اي بۇرىن 49 جاستاعى ەر ادام شاتو-رويال جاعاجايىندا اكۋلا شابۋىلىنان زارداپ شەككەن. تاعى بىرنەشە كۇننەن كەيىن اكۋلا سەرفەرگە شابۋىلداعان, ابىروي بولعاندا وعان ەش زيان كەلمەگەن.
