تجم ونەركاسىپتىك قاۋىپسىزدىك كوميتەتىنىڭ پاۆلودار وبلىسى بويىنشا دەپارتامەنتى مالىمەتىنشە, گاز شىعۋى سالدارىنان قازاندىق عيماراتىندا گاز-اۋا قوسپاسى جارىلعان.
جارىلىستان كەيىن قازاندىق عيماراتى جارتىلاي قۇلاعان. وقيعا سالدارىنان قازاندىقتىڭ ەكى قىزمەتكەرى - كومپرەسسورشى مەن گاز تاسيتىن جۇرگىزۋشى زارداپ شەكتى.
«قوڭىراۋ 16:27-دە ءتۇستى. وقيعا ورنىنا جەدەل جاردەم جانە اپاتتىق مەديتسينا ورتالىعىنىڭ بريگاداسى جىبەرىلدى», دەپ ءتۇسىندىردى جەدەل جاردەم ستانتسياسىنىڭ ءباسپاسوز ورتالىعى وكىلدەرى.
كۇيىك شالعان 43 جاستاعى ەر ادام قالالىق اۋرۋحاناعا جەتكىزىلدى, تاعى ءبىر جابىرلەنۋشى, دەنە جاراقاتىن العان 59 جاستاعى ەر ادام اۋرۋحاناعا جاتۋدان باس تارتقان.
