مالىك نۇرجان ۇلى قازىرگى جاھاندانۋ داۋىرىندە سانالى ۇرپاق تاربيەلەۋ, جاستاردى كىتاپ وقۋعا ىنتالاندىرۋ, قوعامدىق سانانى دامىتۋ باعىتىندا ويلارىن ورتاعا سالدى. زامان تالابىنا ساي جاستارعا بىلىمدەرىن شىڭداۋعا, اقپاراتتىق ساۋاتتىلىقتى ارتتىرۋعا كەڭەس بەردى. ونەرلى ستۋدەنتتەردىڭ عىلىمي جوبالارىمەن تانىسىپ, ىزدەنىستەرىنە كۋا بولدى.
جاستارمەن اشىق ديالوگ قۇرعان كەزدەسۋدە بەلسەندى ستۋدەنتتەر مالىك وتارباەۆقا سۇراقتارىن قويىپ, وي-پىكىرلەرىن ورتاعا سالدى.
سونداي-اق «اتلاق شايقاسىنىڭ تاريحي ءمانى مەن ورنى» اتتى تاقىرىپتا سالا ماماندارىمەن كەزدەسۋ ءوتتى. بيىل تالاس شايقاسىنا بايلانىستى نەگىزگى ءتورت باعىت – تاريح, ءدىن, ەكولوگيا, تۋريزم سالاسىن قامتيتىن حالىقارالىق عىلىمي-پراكتيكالىق كونفەرەنتسيا وتكىزۋ تۋرالى ماسەلە كوتەرىلدى. ءوز كەزەگىندە مالىك نۇرجان ۇلى بۇل ۇسىنىستى قولداپ, جوعارى دەڭگەيدە وتكىزۋ كەرەكتىگىن ايتتى.
