بىلتىر قازاقستاندىق التىن ەكسپورتىنىڭ قۇرىلىمىندا ءبىرشاما وزگەرىس ورىن الدى. زەرتتەۋشىلەر اتاپ وتكەندەي, 2017-2021 جىلدارى باعالى مەتالدىڭ نەگىزگى ساتىپ الۋشىسى قىرعىزستان بولسا, وتكەن جىلى زاتتاي تۇردەگى ەڭ كوپ جەتكىزىلىم كولەمى بۇل ەلگە جونەلتىلگەنىمەن (52,5% نەمەسە 2,2 توننا), اقشالاي ماندە ەكسپورتتىق كىرىستىڭ 61,6%-ىن (41,2 ملن دوللار) رەسەي قامتاماسىز ەتكەن. بۇل رەتتە قىرعىزستانعا 38,3% نەمەسە 25,7 ملن دوللار تيەسىلى بولدى.
التىن ساتۋدان تۇسكەن كىرىستىڭ وسىمىنە الەمدىك نارىقتاعى قولايلى جاعداي اسەر ەتتى. World Gold Council حالىقارالىق ۇيىمىنىڭ مالىمەتىنە سايكەس, 2022 جىل سوڭعى ونجىلدىقتا بۇل باعالى مەتالعا دەگەن ەرەكشە ينۆەستيتسيالىق سۇرانىس كەزەڭى بولدى. سايكەسىنشە, سۇرانىستىڭ ءوسۋى باعانىڭ كوتەرىلۋىنە اكەلدى. بىلتىر ساتىلىمنىڭ ەڭ قولايلى كەزەڭى ناۋرىز-ءساۋىر ايلارىنا كەلىپ, وندا ءبىر ۋنتسيا التىن قۇنى 1,9 مىڭ دوللاردان جوعارى بولدى. ەڭ تومەنگى باعالار قىركۇيەك–قازان ايلارىندا تىركەلدى, سول كەزدە ۋنتسيا ستاۆكاسى 1,65-1,63 مىڭ دوللارعا دەيىن تومەندەپ كەتتى.
قاڭتار ايىنىڭ سوڭىندا بۇل باعالى مەتالل باعاسى 1,92 مىڭ دوللارعا جەتكەن.
