قر تجم قۇتقارۋشىلارى مەن اپاتتار مەديتسيناسى ورتالىعىنىڭ دارىگەرلەرى بار بورت استانا اۋەجايىنا قوندى. ولاردى قازاقستاندىقتار, تۋىستارى, دوستارى مەن ارىپتەستەرى كۇتىپ الدى. توتەنشە جاعدايلار ءمينيسترى يۋري يلين جانە تۇركيا رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ۋفۋك ەكيدجي (Ufuk Ekici) ءبىزدىڭ قۇتقارۋشىلارىمىزدى كۇتىپ الدى جانە ولاردىڭ ارقايسىسىنا اتقارعان قيىن جۇمىسى ءۇشىن العىسىن ءبىلدىردى.
مەملەكەت باسشىسىنىڭ تاپسىرماسى بويىنشا 7 اقپاندا قۇتقارۋ بولىمشەلەرىنىڭ كۇشتەرى مەن قۇرالدارى, ونىڭ ىشىندە قازاقستان تجم تەحنيكاسى, اپاتتار مەديتسيناسى ورتالىعىنىڭ دارىگەرلەرى جانە كينولوگيالىق ەسەپتوپتار العاشقىلاردىڭ ءبىرى بولىپ ەكى ەشەلونمەن جولعا شىعىپ, ەڭ كۇردەلى قيراعان وبەكتىلەردە ىزدەستىرۋ-قۇتقارۋ جۇمىستارىن جۇرگىزۋگە كىرىسكەن بولاتىن. قازاقستاندىق قۇتقارۋشىلار توبىن توتەنشە جاعدايلار ءبىرىنشى ۆيتسە-ءمينيسترى يبراگيم كۇلشىمباەۆ باسقاردى.
ەسكە سالايىق, تۇركيانىڭ ءۇش وڭىرىندە ىزدەستىرۋ-قۇتقارۋ جۇمىستارىن جۇرگىزۋ باستالعاننان بەرى قازاقستان تجم قۇتقارۋشىلارىنىڭ كۇشتەرى 7 ادامدى قۇتقاردى. قازا تاپقان 88 ادامنىڭ, ونىڭ ىشىندە 10 بالانىڭ دەنەسى شىعارىلدى.
