ستاندارت فەرمەرلىك ۇلگىدەگى جىلىجايلارعا ستاندارتتالعان تالاپتاردى بەلگىلەۋ ماقساتىندا №12 «جىلىجاي كەشەنىن سالۋ جانە كەڭەيتۋ» جوباسىنىڭ پاسپورتى بويىنشا «ينۆەستيتسيالىق سالىمدار كەزىندە اگروونەركاسىپتىك كەشەن سۋبەكتىسىندەگى شىعىستاردىڭ ءبىر بولىگىن وتەۋ بويىنشا سۋبسيديالاۋ قاعيدالارىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ 2018 جىلعى 23 شىلدەدەگى № 317 بۇيرىعىن ىسكە اسىرۋ ءۇشىن ازىرلەنەدى.
وتىرىسقا اۋىل شارۋاشىلىعى مينيسترلىگىنىڭ, قازاقستان جىلىجايلارى مەن فەرمەرلەر قاۋىمداستىعىنىڭ, جىلىجاي تەحنولوگيالارىنىڭ وكىلدەرى, سونداي-اق رەسپۋبليكانىڭ ءىرى زاماناۋي جىلىجايلارىنىڭ باسشىلارى قاتىستى.
كەڭەس بارىسىندا جۇمىس توبىنىڭ قاتىسۋشىلارى رەسپۋبليكانىڭ جىلىجاي سالاسىنداعى قازىرگى احۋالىن تالقىلادى, ونەركاسىپتىك جانە فەرمەرلىك جىلىجايلار ۇعىمدارىن, سونداي-اق 500-1000 م2 دەيىن اۋدانداعى فەرمەرلىك جىلىجايلارعا, جىلىجاي كەشەندەرىن جابۋ ماتەريالى مەن جاراقتاندىرۋعا قويىلاتىن تالاپتاردى ناقتىلادى.
جۇمىس توبىنىڭ قاتىسۋشىلارىنان جىلىجاي شارۋاشىلىقتارىنىڭ جۇيەسى دامىعان كورشى ەلدەردىڭ تاجىريبەسىن زەردەلەۋ, سونداي-اق سالانىڭ قاجەتتىلىكتەرىن قاناعاتتاندىراتىن جىلىجايلارعا ارنالعان ستاندارتتى ازىرلەۋ ماقساتىندا قازاقستاننىڭ وڭتۇستىگىندە ورنالاسقان جىلىجايلارعا بارۋ جونىندە ۇسىنىستار ءتۇستى.
