اشىق نقا پورتالىندا قازاقستاندا جوعارى ءبىلىمدى جانە عىلىمدى دامىتۋدىڭ 2023-2029 جىلدارعا ارنالعان تۇجىرىمداماسىنىڭ جوباسى جاريالاندى.
جوباعا سايكەس, ماگيسترانتتار مەن دوكتورانتتاردى وقىتۋعا ارنالعان گرانت سانىن ارتتىرۋ جوسپارلانعان.
«عىلىمي كادرلاردى (PhD دوكتورلارىن) دايارلاۋعا مەملەكەتتىك ءبىلىم بەرۋ تاپسىرىسى 5 مىڭ گرانتقا ۇلعايادى. بۇدان باسقا, 2023 جىلدان باستاپ رەزيدەنتۋرادا دايارلاۋعا ارنالعان گرانتتار سانىن كەزەڭ-كەزەڭىمەن 70%-عا ۇلعايتۋ جوسپارلانىپ وتىر. جوعارى جانە جوعارى وقۋ ورنىنان كەيىنگى ءبىلىم بەرۋ ۇيمدارى مەن عىلىمي-زەرتتەۋ ينستيتۋتى ينتەگراتسياسى شەڭبەرىندە عزي بازاسىندا ماگيسترلەر مەن PhD دوكتورلارىن دايارلاۋ جالعاسادى», دەلىنگەن تۇجىرىمداما جوباسىندا.
ەسكە سالايىق, 2022-2023 وقۋ جىلىندا PhD دوكتورلارىن دايارلاۋعا 1890 گرانت بولىنگەن.
