بۇنداي سەمينار استانادا العاش رەت. بۇل ەۋروپالىق فۋتبول قاۋىمداستىقتارى وداعىنىڭ مۇشەلەرى ءۇشىن وتە بەدەلدى كۋرس جانە كوپ ەلدەر ونى وزدەرىندە وتكىزۋگە ىنتالى. قازاقستان دا ۋەفا-عا بىرنەشە رەت ءوتىنىش بەرگەن بولاتىن. ورايى وسى جىلعا كەلدى.
«بىزگە بىرنەشە جىلدان بەرى قازاقستاندا وتكىزۋگە ءوتىنىم ءتۇسىپ ءجۇر. قفف جاڭا پرەزيدەنتى ادىلەت بارمەنقۇلوۆتىڭ ارقاسىندا بيىل وتكىزىپ وتىرمىز», دەدى ۋەفا-نىڭ ۇلتتىق اسسوتساتسيالاردى دامىتۋ جونىندەگى ديرەكتورى تەرري فاۆر.
قازىرگى ۋاقىتتا بۇكىل ەل بويىنشا بارلىق دەڭگەيلەردە ءۇش مىڭ جوعارى بىلىكتى مامان قاجەت. ال فەدەراتسيانىڭ مالىمەتتەرى بويىنشا ولاردىڭ سانى 300-گە عانا جەتەدى.
UEFA CFM كۋرسى توعىز ايعا سوزىلادى. ول 350 ساعاتتىق ساباقتى قۇرايتىن التى نەگىزگى مودۋلدەن تۇرادى. كىرىسپە مودۋل استانادا وتەدى. ترەنينگ فۋتبول كلۋبتارى مەن قاۋىمداستىقتاردى باسقارۋدىڭ بارلىق سالالارىن قامتيدى: قارجى, ماركەتينگ, كوممۋنيكاتسيا, جەدەل باسقارۋ, ستراتەگيالىق دامۋ جانە ادامي رەسۋرستار. بايانداماشىلار ۋەفا, سونداي-اق شۆەيتساريا, شوتلانديا, يتاليا, فرانتسيا جانە انگليا ۋنيۆەرسيتەتتەرىنىڭ جەتەكشى ساراپشىلارى.
