كەڭەسكە دەنساۋلىق ساقتاۋ ۆيتسە-ءمينيسترى بەيبىت ەسەنباەۆ, ەڭبەك جانە الەۋمەتتىك قورعاۋ كوميتەتى توراعاسىنىڭ ورىنباسارى انارحان دۇيسەنوۆا, «قامقورلىق قورى» كورپوراتيۆتىك قورى ديرەكتورىنىڭ ورىنباسارى گۇلميرا ءابىلدينوۆا قاتىستى.
كەلىسسوزدەر بارىسىندا تامارا دۇيسەنوۆا مۇگەدەكتىگى بار بالالارعا وڭالتۋ قۇرالدارىنىڭ زاماناۋي جانە كۇردەلى تۇرلەرىن ۋاقىتشا پايدالانۋ مۇمكىندىگىن بەرۋ ءۇشىن تەحنيكالىق وڭالتۋ قۇرالدارى پاركتەرىن اشۋدىڭ ماڭىزىن اتاپ ءوتتى.
«بۇگىنگى تاڭدا قازاقستاندا 104,3 مىڭ مۇگەدەكتىگى بار بالا تۇرادى. ونىڭ ىشىندە 7 جاسقا دەيىنگى 33,7 مىڭ بالا, ءبىرىنشى توپتاعى مۇگەدەكتىگى بار 11,1 مىڭ بالا جانە 7 جاستان 18 جاسقا دەيىنگى ەكىنشى توپتاعى مۇگەدەكتىگى بار 22,7 مىڭ بالا بار. بۇل بالالارعا 27 مەديتسينالىق-الەۋمەتتىك مەكەمەدە وڭالتۋ قىزمەتتەرى ۇسىنىلادى. وتق پاركتەرىن قۇرۋ وڭالتۋ قۇرالدارىنىڭ زاماناۋي, قىمبات تۇرلەرىنە قولجەتىمدىلىكتى كەڭەيتۋگە مۇمكىندىك بەرەدى», دەپ اتاپ ءوتتى مينيستر.
ءوز كەزەگىندە بولات جامىشەۆ «قازاقستان حالقىنا» قورى وتق پاركتەرىن جاراقتاندىرۋ ءۇشىن قارجىلاي قولداۋ كورسەتۋگە دايىن ەكەنىن ايتتى.
تالقىلاۋ ناتيجەسىندە تاراپتار 2023 جىلى اتالعان پاركتەردى قۇرۋ بويىنشا قاناتقاقتى جوبانى ىسكە اسىرۋ قاجەتتىگى تۋرالى شەشىم قابىلدادى. جوبانى پىسىقتاۋ ءۇشىن بىرلەسكەن جۇمىس توبى قۇرىلىپ, ءتيىستى ۆەدومستۆو ەگجەي-تەگجەيلى جول كارتاسى مەن قاجەتتى نورماتيۆتىك-قۇقىقتىق اكتىلەردى ازىرلەيدى. جاقىن ارادا قاناتقاقتى جوبانىڭ وپەراتورىن انىقتاۋ جانە قولايلى الاڭدار قۇرىلاتىن وڭىرلەردى ناقتىلاۋ جوسپارلانىپ وتىر. اتالعان جوبا اياسىندا وتق قاجەتتىلىكتەرىن باعالاۋ جانە دۇرىس ىرىكتەۋدى جۇرگىزۋ بويىنشا جۇمىس ىستەيتىن مامانداردى قازىرگى زامانعى حالىقارالىق قاعيداتتارمەن وقىتۋ ۇيىمداستىرىلادى.
