رەسەي فەدەراتسياسىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق جونىندەگى ءمينيسترى ي.فايزۋللينمەن كەزدەسۋدە ساۋلەت, قالا قۇرىلىسى جانە تۇتاستاي قۇرىلىس سالاسىن دامىتۋ, سونداي-اق قۇرىلىستى تسيفرلاندىرۋ, يپوتەكالىق نەسيەلەۋ جانە مەملەكەتتىك ساراپتاما سالاسىنداعى ىنتىماقتاستىق ماسەلەلەرى قارالدى.
اسىرەسە مارات قاراباەۆ سەيسميكاعا ءتوزىمدى قۇرىلىس سالاسىنداعى نورمالار مەن ەرەجەلەردى بىرىزدەندىرۋگە ەرەكشە توقتالدى. ءمينيستردىڭ ايتۋىنشا, وسى ىنتىماقتاستىقتىڭ اياسىندا تمد عالىمدارى ورتالىق ازيانىڭ قۇرىلىس نورمالارىندا سەيسميكاعا توزىمدىلىك تالاپتارىن جەتىلدىرۋ بويىنشا تاۋەكەل كارتاسىن ازىرلەۋگە ارنالعان زەرتتەۋلەردى جۇرگىزىپ كەلەدى. بۇل زەرتتەۋدىڭ دەرەكتەرى جەر قىرتىسىنداعى جارىلعان جەرلەردى انىقتاپ, تەكتونيكالىق قوزعالىستار مەن ورتالىق ازيا ەلدەرى اۋماعىنداعى سەيسميكالىق قاۋىپتى ايماقتارىندا ەسەپتەۋ جۇرگىزىپ, وسى اقپاراتتى بىرلەسىپ تالداۋ ءۇشىن پايدالانىلماق.
سونداي-اق رەسەيدىڭ استاناسىنا بارعان ءىسساپارىندا ۆەدومستۆو باسشىسى مارات قاراباەۆ رف كولىك ءمينيسترى ۆيتالي ساۆەلەۆپەن دە كەزدەستى. ونىڭ بارىسىندا قازاقستان مەن رەسەيدىڭ اۆتوكولىك سالاسىنداعى ىنتىماقتاستىعىن دامىتۋ, سونداي-اق جۇك ءارى جولاۋشىلار اۆتوتاسىمالى باعىتىنداعى ەكىجاقتى ۇكىمەتارالىق كەلىسىم جوباسىن دايىنداۋ ماسەلەلەرى قارالدى.
بۇدان باسقا تسيفرلى تاحوگرافتاردى پايدالانۋ, ەكى مەملەكەتتىڭ شەكاراسىنداعى وتكىزۋ پۋنكتتەرىن جاڭعىرتۋ جانە «سولتۇستىك-وڭتۇستىك», «باتىس ەۋروپا - باتىس قىتاي» مەن «مەريديان» كولىك دالىزدەرىن دامىتۋ, سونداي-اق رەسەيلىك تاسىمالداۋشىلاردىڭ ەلىمىزدىڭ اۋماعىنا جۇكتەردى قايتا تيەۋ ارقىلى تاسىمال جۇمىستارىن ۇيلەستىرۋ سىندى ماسەلەلەر قوزعالدى.
سونداي-اق بۇل كۇنى قر يدم باسشىسى رەسەي فەدەراتسياسىنىڭ ەنەرگەتيكا ءمينيسترى نيكولاي شۋلگينوۆپەن كەزدەستى. تاراپتار بيتۋم جەتكىزۋ ماسەلەلەرىن تالقىلاپ, ەنەرگەتيكا سالاسىنداعى ىنتىماقتاستىق ەكىجاقتى قاتىناستاردىڭ نەگىزگى باعىتتارىنىڭ ءبىرى ەكەنىن اتاپ ءوتتى.
جۇمىس ساپارى بارىسىندا مارات كارىمجان ۇلى رف ۇكىمەت توراعاسىنىڭ ورىنباسارى – رف ونەركاسىپ جانە ساۋدا ءمينيسترى دەنيس مانتۋروۆپەن دە كەزدەسۋ وتكىزەدى. قازىر ونەركاسىپ سالاسىنداعى ىنتىماقتاستىق ەكى ەل اراسىنداعى ەكونوميكالىق بايلانىستىڭ نەگىزگى باعىتى سانالاتىنىن ايتا كەتۋ كەرەك.
