ونىڭ ايتۋىنشا, قازاقستان اۋداندارىنىڭ 80%-ىندا ورتكە قارسى قورعانىس جاسالماعان, ويتكەنى ولاردا ءورت دەپولارى جوق.
«ماسەلەن, قىزىلوردا وبلىسى, 2018 – 2022 جىلدارى ارالىعىندا ارال اۋدانىنىڭ سەكسەۋىل اۋىلىندا 8 ءۇي, ال وتكەن جىلى ءتىپتى 2 ءۇي تۇتاستاي ورتەنىپ كەتكەن. بۇل ايماقتىڭ 12 مىڭعا جۋىق تۇرعىنى بولسا دا ەڭ جاقىن جەردەگى ءورت ءسوندىرۋ دەپوسى شامامەن 70-80 كم قاشىقتىقتا ارال قالاسىندا ورنالاسقان. الايدا, تەحنيكالىق رەگلامەنتكە سايكەس قالالىق جەردە ءورت ءسوندىرۋ دەپوسى راديۋسى 3 كم قاشىقتىقتا ورنالاسۋى قاجەت. سونداي-اق قالالىق جەردە ءورت پايدا بولعان جاعدايدا, ءورت ءسوندىرۋ بريگاداسى ورتكە اينالعان ايماققا 10 مينۋتتا, ال اۋىلدىق جەردە 20 مينۋتتا جەتۋ كەرەك», دەدى سەناتور.
سەناتور ءتيىستى قۇجاتتاردا ءورت ءسوندىرۋ ءبولىمىن سالۋ ءۇشىن اۋىلدىق جەرلەردە تۇراتىن ادامداردىڭ قاجەتتى سانى جازىلماعانىن, سونداي-اق جاڭا ءورت ءسوندىرۋ ءبولىمىن سالۋ ءۇشىن اۋىلدىق وكرۋگتەر اراسىنداعى قاشىقتىق انىقتالماعانىن اتاپ ءوتتى.
ء«بىزدىڭ ويىمىزشا, تەحنيكالىق رەگلامەنتتە وسىنداي ناقتىلىق بولماعاندىقتان كوپتەگەن اۋىلدىق جەرلەرگە ءورت ءسوندىرۋ دەپولارىن سالۋعا ۇلكەن توسقاۋىل قويىلىپ وتىر. سوندىقتان دا ەلىمىزدىڭ اۋىلدىق ەلدى-مەكەندەرىندە وسى ماسەلەنى شەشۋ ءۇشىن ءتيىستى تۇزەتۋلەر ەنگىزۋ قاجەت. ناقتىراق ايتاتىن بولساق, جاڭادان ءورت ءسوندىرۋ دەپولارىن سالۋ ءۇشىن, اۋىلدىق وكرۋگتاعى قاجەتتى تۇرعىندار سانى, اۋىلدىق وكرۋگتار اراسىنداعى اراقاشىقتىق ناقتىلانۋى ءتيىس», دەدى سەناتور گەننادي شيپوۆسكيح.
