«سارىارقا» اۋداندىق جۇمىسپەن قامتۋ ورتالىعىنىڭ باسشىسى باعيلا ورىمبەتوۆانىڭ ايتۋىنشا, www.enbek.kz, www.egov.kz پورتالدارىندا نەمەسە «استانا قالاسى اكىمدىگىنىڭ حالىقتى جۇمىسپەن قامتۋ ورتالىعى» كمم-دە ەلەكتروندى تىركەۋدەن ءوتۋ ارقىلى جۇمىسسىز رەتىندە تىركەلۋگە بولادى. ءبىر جۇمىس كۇنى ىشىندە ءتيىستى ماماندار ءوتىنىش بەرۋشىگە لايىقتى جۇمىس ۇسىنادى.
«ەگەر جۇمىسپەن قامتۋ ورتالىعى وسى ۋاقىت ىشىندە ءوتىنىش بەرۋشىگە لايىقتى جۇمىس تاپپاسا نەمەسە ول ۇسىنىلعان بوس جۇمىس ورنىنان باس تارتسا, مامان ءوتىنىش بەرۋشىنى جۇمىسسىز رەتىندە تىركەيدى. ون التى جاسقا تولماعان جاستار مەن زەينەتكەرلىك جاستاعى ادامدار تىركەۋگە الىنبايدى», دەدى باعيلا ورىمبەتوۆا.
