وسىدان ءبىر اي بۇرىن ەنەرگەتيكا ءمينيسترى بولات اقشولاقوۆ قازاقستان گەرمانياعا جىلىنا 6 ملن تونناعا دەيىن مۇناي ەكسپورتتاي الاتىنىن ايتقان ەدى. ء«بىز جىلىنا 6 ملن تونناعا دەيىن مۇناي ەكسپورتتاي الامىز. دەگەنمەن گەرمانيانىڭ قاجەتتىلىگى بۇدان جوعارى. ءبىز رەسەي فەدەراتسياسىنداعى ارىپتەستەرىمىزدىڭ رەسمي راستاۋىن كۇتتىك. ويتكەنى ءونىم ولاردىڭ شەكاراسى ارقىلى وتەدى. قازىرگى ساتتە اۋىزشا راستاۋ الدىق. سوندىقتان پروبلەما بولماۋعا ءتيىس دەپ ويلايمىن», دەدى مينيستر باق وكىلدەرىنىڭ ساۋالىنا وراي.
نەگىزگى ماسەلە – گەرمانيا تاراپىنىڭ تۇتىنۋ كولەمىنە قاتىستى تاپسىرىسى. بۇل جىلىنا 1,5 ملن تونناعا دەيىن بولۋى مۇمكىن. بىراق جىلىنا 6 ملن تونناعا دەيىن جەتكىزۋگە مۇمكىندىك بار. مينيستر ەلىمىز بەن رەسەي اراسىندا بۇل ماسەلە جونىنەن ەش قيىندىق جوق ەكەنىن ايتتى.
بۇعان دەيىن حابارلانعانداي, «قازترانسويل» اق 2023 جىى گەرمانياعا 1,2 ملن توننا قازاقستاندىق مۇنايدى جەتكىزۋ ءۇشىن «ترانسنەفت» كومپانياسىنا ءوتىنىم بەرگەن.
ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا اقپان ايىندا قازاقستاننان گەرمانياعا 20 مىڭ توننا مۇناي جەتكىزۋ جوسپارىنا قاتىستى سۇراق قويىلدى.
ء«تيىستى كەستە بويىنشا اقپان ايىندا اتالعان كولەمدەگى مۇنايدى جەتكىزۋ ەسكەرىلگەن. قازىرگى كەزدە مۇنايدى جەتكىزەتىندەر مەن ساتىپ الۋشىلار اراسىندا كەلىسسوز ءجۇرىپ جاتىر. وسى ورايدا تەندەر جاريالاندى. بۇل باعىتتا قانداي دا ءبىر تەحنيكالىق شەكتەۋلەر جوق. ازىرگە 20 مىڭ توننا جونەلتىلمەدى. دەگەنمەن وسىعان قاتىستى ەلەۋلى كەدەرگىلەر بايقالمادى», دەدى ا.حاسەنوۆ.
سونىمەن قاتار ەنەرگەتيكا ۆيتسە-ءمينيسترى «قازمۇنايگاز» جانە «لۋكويل» كومپانيالارىنىڭ ىنتىماقتاستىعىنا قاتىستى پىكىر ءبىلدىردى. ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا «قالامقاس-تەڭىز, حازار, اۋەزوۆ» جەر قويناۋى ۋچاسكەسىن يەگرۋدە نە سەبەپتى رەسەيلىك سەرىكتەسكە تاڭداۋ تۇسكەنى تۋرالى سۇراق قويىلدى.
ا.حاسەنوۆتىڭ ايتۋىنا قاراعاندا, بۇل جوبا اياسىندا رەسەيلىك كومپانيا ءتيىمدى ۇسىنىس جاساعان. «وسى ورايدا اتالعان كومپانيا «قازمۇنايگازدىڭ» ستراتەگيالىق سەرىكتەسى رەتىندە انىقتالدى. وسى جوبا اياسىندا قازاقستانعا قانداي پايدا تۇسەدى؟ بىرىنشىدەن, بۇل كەن ورنىن يگەرۋ ءبىرازدان بەرى قاراستىرىلىپ كەلە جاتىر. كەزىندە ءبىز ونى كاسپي جوباسى بويىنشا كەلىسىم اياسىندا يگەرۋدى جوسپارلاعان ەدىك. بىراق ەكونوميكالىق تۇرعىدا ىنتالاندىرۋ تەتىكتەرى بولماعان سوڭ, وپەراتور بۇل جوبانى مەملەكەتكە قايتاردى. سوندىقتان ءتيىستى جەڭىلدىكتەر بەرۋدى كوزدەيتىن جەتىلدىرىلگەن كەلىسىمشارت تەتىگى ەنگىزىلدى», دەيدى ۆيتسە-مينيستر.
