Reuters اگەنتتىگىنىڭ دەرەكتەرىنە سايكەس, Brent ماركالى مۇناي فيۋچەرستەرى وتكەن جۇمادا 2,2%-عا قىمباتتاپ, باكۋ ۋاقىتىمەن تاڭعى ساعات 10.00-دە 74 تسەنتكە نەمەسە 0,9%-عا, باررەلىنە 85,65 دوللارعا دەيىن تومەندەدى.
ال امەريكالىق WTI ماركالى مۇناي الدىڭعى سەسسياداعى 2,1% وسىمنەن كەيىن وسى جولى 73 تسەنتكە نەمەسە 0,9%-عا تومەندەپ, باررەلىنە 78,99 دوللارعا ساتىلدى.
OANDA بيرجالىق كومپانياسىنىڭ ساراپشىلارى شيكى مۇناي باعاسىنىڭ تومەندەۋى ەنەرگەتيكالىق ترەيدەرلەردىڭ وعان سۇرانىس بولجامىنىڭ الەۋەتتى السىرەۋىن كۇتۋىمەن بايلانىستى ەكەنىن اتاپ كورسەتەدى.
ينۆەستورلاردىڭ مۇنداي ارەكەتى اقش-تىڭ فەدەرالدى رەزەرۆتىك جۇيەسى (FRS) تاراپىنان 14 اقپانداعى الداعى نەگىزگى فقج ينفلياتسيا ەسەبىنىڭ اياسىندا اقشا-نەسيە ساياساتىن قاتايتۋ قاجەتتىلىگىنەن تۋىنداپ وتىر.
باسىلىم ەلدەگى ينفلياتسيانى تەجەۋ ءۇشىن اقش فقج-ءنىڭ ەلدەگى ينفلياتسياعا توتەپ بەرۋ ماقساتىمەن پايىزدىق مولشەرلەمەسىن كوتەرۋى ەكونوميكالىق بەلسەندىلىك پەن مۇنايعا سۇرانىستى باسەڭدەتۋى مۇمكىن ەكەنىن جوققا شىعارمايدى.
CMC Markets ساراپشىلارى جەكسەنبى كۇنى جەيحانداعى تۇرىك تەرمينالى ارقىلى ازەربايجان مۇنايى ەكسپورتىنىڭ قايتا جاندانۋى دا قارا التىن جەتكىزىلىمىنە قاتىستى الاڭداۋشىلىقتى ازايتتى دەپ سانايدى.
تەرمينال وتكەن اپتادا تۇركيا مەن سيريادا بولعان جويقىن جەر سىلكىنىسى سالدارىنان زاقىمدانعان. بۇل – ازەربايجان مەن يراكتان مۇناي تاسىمالدايتىن قۇبىرلار ءۇشىن قويما جانە تيەۋ پۋنكتى.
مۇناي باعاسى رەسەي ناۋرىز ايىندا شيكى مۇناي ءوندىرۋدى تاۋلىگىنە 500 مىڭ باررەلگە نەمەسە ءوندىرىستى شامامەن 5%-عا قىسقارتاتىنىن مالىمدەگەننەن كەيىن كوتەرىلگەن.
مۇناي ەكسپورتتاۋشى ەلدەر ۇيىمى (وپەك) جانە ولاردىڭ سەرىكتەستەرى, سونىڭ ىشىندە رەسەي مەن وپەك+ توبى قازان ايىندا ءوندىرىستى تاۋلىگىنە 2 ملن باررەلگە قىسقارتۋعا كەلىستى. بۇل – الەمدىك سۇرانىستىڭ شامامەن 2%-ى.
سوڭعى اپتادا Brent 8,1%-عا, ال WTI 8,6%-عا قىمباتتادى. بۇعان جەلتوقساندا COVID شەكتەۋى الىنعاننان كەيىن الەمدەگى ەڭ ءىرى شيكى مۇناي تۇتىنۋشى قىتايداعى سۇرانىستىڭ قالپىنا كەلۋىنە دەگەن وپتيميزم سەپتىگىن تيگىزگەن.
باسىلىم قىتاي ەلىندە سۇرانىستىڭ قالپىنا كەلۋى جانە ينۆەستيتسيا تاپشىلىعىنا بايلانىستى ۇسىنىستىڭ شەكتەۋلى ءوسۋى جاعدايىندا مۇناي باعاسى بيىل باررەلىنە 100 دوللارعا دەيىن كوتەرىلۋى مۇمكىن دەپ بولجاپ وتىر.
بوتاگوز ابدىرەيقىزى,
«Egemen Qazaqstan»
