زاڭنىڭ نەگىزگى ماقساتى – جەر تۋرالى زاڭنامانىڭ جەكەلەگەن ەرەجەلەرىن بۇزعانى ءۇشىن اكىمشىلىك جاۋاپكەرشىلىكتى بەلگىلەۋ جانە جەردى پايدالانۋ مەن قورعاۋدى مەملەكەتتىك باقىلاۋدى جۇزەگە اسىراتىن ورگاندارعا اكىمشىلىك ىستەردى قاراۋ جانە ءتيىستى جازالار قولدانۋ جونىندەگى وكىلەتتىك بەرۋ.
زاڭ وسىلايشا جەردى پايدالانۋ مەن قورعاۋدى مەملەكەتتىك باقىلاۋ جونىندەگى فۋنكتسيالاردى اكىمدىكتەردىڭ قۇزىرەتىنەن الىپ اۋىل شارۋاشىلىعى مينيسترلىگىنە قايتارادى.
سونىمەن قاتار «گەودەزيا, كارتوگرافيا جانە كەڭىستىكتىك دەرەكتەر تۋرالى» قازاقستان رەسپۋبليكاسىنىڭ زاڭىنا سايكەس كەلتىرۋ ءۇشىن جانە گەودەزيالىق پۋنكتتەردى ساقتاۋ ماقساتىندا جەرگىلىكتى اتقارۋشى ورگاندارعا ءتيىستى اكىمشىلىك ىستەردى قاراۋ جونىندەگى وكىلەتتىكتەر بەرىلەدى.
زاڭمەن ەنگىزىلەتىن وزگەرىستەر ماقساتى بويىنشا پايدالانىلمايتىن نە زاڭنامانى بۇزا وتىرىپ پايدالانىلاتىن اۋىل شارۋاشىلىعى جەرلەرىن, ونىڭ ىشىندە مال جايىلىمىنىڭ تاپشىلىعىن سەزىنىپ وتىرعان اۋىل حالقىنا جايىلىمداردى قايتارۋ جونىندەگى مەملەكەت باسشىسىنىڭ تاپسىرماسىن ورىنداۋداعى لاۋازىمدى ادامداردىڭ قىزمەتىنە قارقىن بەرەتىن بولادى.
زاڭدى قاراۋ قورىتىندىسى بويىنشا ونى پالاتانىڭ قاراۋىنا جىبەرۋ تۋرالى شەشىم قابىلداندى.
