ەلدىڭ پرەمەر-ءمينيسترى كريس حيپكينستىڭ سوزىنشە, ەل تاريحىندا وسىمەن ءۇشىنشى رەت توتەنشە جاعداي رەجيمى جاريالانىپ وتىر.
- «گابريەل» تسيكلونى – جاڭا زەلانديادا بولعان ەڭ اۋقىمدى تابيعي قۇبىلىستاردىڭ ءبىرى. مۇنداي ەلەۋلى جانە اۋقىمدى اپات ءبۇتىن ءبىر ۇرپاقتىڭ ومىرىندە بولعان ەمەس. ەلدەگى توتەنشە جاعداي تاريحتا ءۇشىنشى رەت جاريالانىپ وتىر», - دەيدى ۇكىمەت باسشىسى.
داۋىل دۇيسەنبىدەن سەيسەنبىگە قاراعان ءتۇنى ەل حالقىنىڭ باسىم بولىگى تۇراتىن سولتۇستىك ارال تۇرعىندارىن ابىگەرگە سالعان.
جەلدىڭ ەكپىنى ساعاتىنا 140 شاقىرىمعا جەتىپ, 11 مەترلىك تولقىندار بايقالعان, سونداي-اق تاۋلىگىنە 20 سم-گە دەيىن جاۋىن-شاشىن تۇسكەن. قاتتى داۋىلدان 225 مىڭعا جۋىق ادام جارىقسىز قالدى.
كوشكىن مەن جولداردىڭ سۋ الۋىنا بايلانىستى جەرگىلىكتى تۇرعىندار ءوز ەلدى مەكەندەرىنەن شىعا الماي قالعان. تجم باسشىسىنىڭ ايتۋىنشا, وقيعا سالدارىنان 2,5 مىڭعا جۋىق ادام ەۆاكۋاتسيالانعان.
