«كۇن سايىن دەرلىك مۇنداي ءيتتىڭ ءار كۇنى جاتتىعۋدان باستالادى, ويتكەنى جاتتىعۋ زارداپ شەككەندەردى تابۋدىڭ ءساتتى وپەراتسياسىنىڭ نەگىزى بولىپ سانالادى. دەسە دە, بارلىق يتتەر ادامدار سياقتى قۇتقارۋشى بولا المايدى. يت قۇتقارۋشى بولىپ تۋىلۋى كەرەك. ءۇي جانۋارلارىنىڭ فيزيكالىق جانە پسيحولوگيالىق قاسيەتتەرى تۋرالى ۇمىتپاڭىز. ەگەر كۇشىكتىڭ بالا كەزىنەن قيمىلى شاپشاڭ بولسا, ويناعاندى ۇناتسا جانە ارقاشان جاڭا نارسەگە قىزىعۋشىلىق تانىتسا - بۇل ءيتتىڭ قۇتقارۋشى بولا الاتىنىنىڭ بەلگىسى», دەپ جازادى تجم ءباسپاسوز قىزمەتى.
قازاقستاننىڭ قۇتقارۋشى يتتەرى ىزدەۋ-قۇتقارۋ جۇمىستارىن جۇرگىزۋ كەزىندە تۇركيادا تاماشا ناتيجە كورسەتكەنىن اتاپ ءوتۋ كەرەك. ولار: دجەيكوب, ليگا م سيريۋس جانە اكسەل مالينۋا بەلگيالىق توبەتتەرى, چارلي كينگ لابرادورى, ميرتا نەمىس توبەتى, گرينپيس اتتى بوردەر كوللي.
قازىرگى ۋاقىتتا تجم قاتارىندا 54 اتتەستاتتالعان يت قۇتقارۋ وپەراتسيالارىنا بەلسەندى قاتىسىپ ءجۇر, تاعى 20-دان استامى تولىققاندى سەرتيفيكاتتالعان قۇتقارۋشى بولۋعا دايىندالىپ جاتىر.
تجم كينولوگيالىق ەسەپتوپتارىندا ءار ءتۇرلى تۇقىمدى يتتەر قىزمەت ەتەدى, اتاپ ايتقاندا: لابرادور-رەتريۆەرلەرى, نەمىس توبەتتەرى, مالينۋا بەلگيالىق توبەتتەرى, گولدەن رەتريۆەرلەر, بوردەر-كوللي, سپانيەلدەر, باسەروندار, تىكىرەيگەن ءجۇندى رەتريۆەرلەر.
