بۇل رەتتە ساياسات نۇربەك ۆەدومستۆونىڭ وتاندىق عىلىمدى دامىتۋ اياسىندا العا قويعان بىرقاتار جاڭا مىندەتتەرىنە توقتالىپ, عىلىمي ازىرلەمەلەر بيۋدجەتكە قانشا تابىس اكەلەتىنىن دە تىلگە تيەك ەتتى.
«جوبالاردى ىلگەرىلەتۋ ماقساتىندا ۆ2G – ۆ2ۆ – ۆ2س ءوزارا ءىس-قيمىلىنىڭ ۇشتىك سپيرالى بەلگىلەندى. مينيسترلىك عىلىمي ازىرلەمەلەردى كوممەرتسيالاندىرۋ ەسەبىنەن تەحنولوگيالىق سەرپىلىسكە كەدەرگى كەلتىرەتىن نەگىزگى ماسەلەلەردى انىقتادى. ولار – عالىمداردىڭ بيزنەس-قۇزىرەتتەرىنىڭ بولماۋى, عىلىم مەن كاسىپكەرلىكتىڭ ءالسىز بايلانىسى, جەكە قارجىلاندىرۋدى ىزدەۋ تەتىكتەرى, وندىرىسكە وتاندىق يننوۆاتسيالاردى ەنگىزۋدىڭ تومەن دەڭگەيى», دەدى ساياسات نۇربەك.
ءمينيستردىڭ ايتۋىنشا قازىرگى ۋاقىتتا وڭىرلەردە وتىنىشتەردىڭ ازايۋ ءۇردىسىن بايقاۋعا بولادى.
ول سونداي-اق قازاقستان عالىمدارىنىڭ تابىسىن ارتتىرۋ ماقساتىندا عىلىمي-تەحنيكالىق جەدەلدەتۋ تۇجىرىمداماسى ازىرلەنگەنىن قوسا ايتتى. بۇدان وزگە قازاقستاندىق عىلىمي ازىرلەمەلەر بيۋدجەتكە 6 ملرد تەڭگە تابىس اكەلگەنىن دە اتاپ ءوتۋ كەرەك.
«حالىق تابىسىن ارتتىرۋدىڭ 2025 جىلعا دەيىنگى باعدارلاماسىنىڭ 5-تاراۋى, 22-تارماعىن ورىنداۋ ماقساتىندا عىلىمي-تەحنيكالىق جەدەلدەتۋ تۇجىرىمداماسى ازىرلەنىپ, 2023-2025 جىلدارعا 1,5 ملرد تەڭگەگە بيۋدجەتتىك ءوتىنىم پىسىقتالدى. عىلىم قورىن وسى بيزنەستى جەدەلدەتۋ باعدارلاماسىنىڭ وپەراتورى ەتىپ تاعايىنداۋ دۇرىس بولار ەدى دەپ ويلايمىز. ماك حاتتامالىق تاپسىرماسىن ورىنداۋ شەڭبەرىندە 5 جول كارتاسى ازىرلەندى. اۋىل شارۋاشىلىعى مينيسترلىگى, دەنساۋلىق ساقتاۋ مينيسترلىگى مەن ەنەرگەتيكا مينيسترلىگى ونەركاسىپكە كوممەرتسيالاندىرۋ جوبالارىنىڭ ناتيجەلەرىن ەنگىزۋ بويىنشا جۇمىس جۇرگىزىلىپ جاتىر», دەپ تۇيىندەدى مينيستر.
