ءمينيستردىڭ ايتۋىنشا, قازاقستاننىڭ جوعارى وقۋ ورىندارىنىڭ عىلىمي كادرلاردى – ماگيسترانتتاردى, PhD دوكتورلارىن دايارلاۋدا ەرەكشە ىنتالانباۋىنىڭ باستى سەبەپتەرىنىڭ ءبىرى – گرانت قۇنى.
«بۇگىندە ماگيستراتۋرا بويىنشا گرانتتاردىڭ ورتاشا قۇنى شامامەن 380 مىڭ تەڭگە. ال نەگىزگى باسىم ماماندىقتار بويىنشا باكالاۆريات گرانتىنىڭ قۇنى شامامەن - 1 ميلليون تەڭگە. ارينە جوو-لار عىلىمي كادرلارمەن مىقتى جۇمىس ىستەۋگە مۇددەلى ەمەس. ال نەگىزگى باسىم ماماندىقتار بويىنشا گرانت قۇنى شامامەن 1 ميلليون تەڭگە بولىپ وتىر. ارينە جوعارى وقۋ ورىندارى عىلىمي كادرلارمەن مىقتى جۇمىس ىستەۋگە مۇددەلى ەمەس», دەدى س. نۇربەك.
بۇل ماسەلەنى شەشۋ ءۇشىن عىلىم جانە جوعارى ءبىلىم مينيسترلىگى ماگيستراتۋرا مەن دوكتورانتۋراعا بولىنەتىن گرانتتاردىڭ قۇنىن بيىلدان باستاپ 2-3 جىل باكالاۆرياتتارمەن سالىستىرا وتىرىپ 1,5-2 ەسە كوتەرۋدى قولعا الماق.
ساياسات نۇربەكتىڭ ايتۋىنشا, مۇنداي قادام جوعارى وقۋ ورىندارىنىڭ عىلىمي كادرلار دايارلاۋعا مۇددەلى بولۋى ءۇشىن جاسالىپ وتىر.
