«جاقىندا تۇركيادا جويقىن جەر سىلكىنىسى بولعانىن بىلەسىزدەر. مەنىڭ تاپسىرماممەن باۋىرلاس تۇركيا ەلىنە قۇتقارۋشىلار جانە دارىگەرلەر جىبەرىلدى. ولاردىڭ اراسىندا اقمولا وبلىسىنىڭ ماماندارى دا بار, ياعني 18 ادام. ءبىزدىڭ قۇتقارۋشىلار بىرنەشە ادامدى امان الىپ شىقتى. تۇركيادا كۇندىز-ءتۇنى جۇمىس ىستەپ جاتقان ازاماتتارىمىزعا العىس ايتامىن! تۇركيادان امان-ەسەن ورالعان سوڭ ولاردى مىندەتتى تۇردە ماراپاتتايتىن بولامىز», دەپ اتاپ ءوتتى قاسىم-جومارت توقاەۆ.
بۇل رەتتە قۇتقارۋشىلاردىڭ اسا قاۋىپتى قىزمەتىنە توقتالا كەتكەن مەملەكەت باسشىسى م.عابدۋللين اتىنداعى ازاماتتىق قورعاۋ اكادەمياسىندا ءتالىم العان اسقار زابيكۋليننىڭ ەرلىگىن دە اتاپ ءوتتى.
«قۇتقارۋشى بولۋ – قيىن ءارى قاتەرلى جۇمىس. شىن مانىندە, بۇل – ناعىز ەرجۇرەك ازاماتتاردىڭ كاسىبى. توتەنشە جاعداي ماماندارى جۇمىس بارىسىندا تالاي رەت ەرلىك كورسەتتى. باسقا ادامداردىڭ ومىرىنە اراشا ءتۇسىپ, قازا تاپقان قۇتقارۋشىلار از ەمەس. ولاردىڭ قاتارىندا وسى اكادەميانىڭ تۇلەگى اسقار زابيكۋلين دە بار. «ەر ەسىمى – ەل ەسىندە». باتىرلاردىڭ ەرلىگى ەشقاشان ۇمىتىلماۋعا ءتيىس», دەدى پرەزيدەنت اكادەميا كۋرسانتتارىمەن كەزدەسۋ بارىسىندا.
