دانيەل ۆايسوۆ «ادىلەت» جوعارى قۇقىق مەكتەبىن, نارحوز ۋنيۆەرسيتەتىن, رەسەي مەملەكەتتىك مۇناي جانە گاز ۋنيۆەرسيتەتىن بىتىرگەن.
ەڭبەك جولىن 2001 جىلى مەملەكەتتىك كىرىس مينيسترلىگىنىڭ جەكە شارتى بويىنشا وپەراتور لاۋازىمىنان باستاعان. 2002 جىلدىڭ ناۋرىز-قازان ايلارى ارالىعىندا قر مەملەكەتتىك كىرىس مينيسترلىگى سالىق تولەۋشىلەرمەن جۇمىس دەپارتامەنتى سالىق زاڭناماسىن ءتۇسىندىرۋ باسقارماسىنىڭ سالىق تولەۋشىلەرمەن جۇمىس ىستەۋدىڭ ءتيىمدى ادىستەرىن ازىرلەۋ جانە ەنگىزۋ ءبولىمىنىڭ باس مامانىنىڭ م.ا., سالىق زاڭناماسىن ءتۇسىندىرۋ بويىنشا جۇمىستى ۇيىمداستىرۋ ءبولىمىنىڭ باس مامانى قىزمەتىن اتقارعان.
سونداي-اق ول قارجى مينيسترلىگى سالىق كوميتەتىنىڭ سالىقتىق باقىلاۋ باسقارماسىنىڭ ماجبۇرلەپ ءوندىرىپ الۋ ءبولىمىنىڭ باس مامانى (2002-2003 جىلدار), 2003-2010 جىلدارى - حالىقارالىق كەلىسىمشارتتار دەپارتامەنتىنىڭ زاڭگەرى, قۇقىقتىق قامتاماسىز ەتۋ دەپارتامەنتىنىڭ اعا زاڭگەرى, حالىقارالىق كەلىسىمشارتتار دەپارتامەنتىنىڭ باس زاڭگەرى, «قازمۇنايگاز» ۇك» اق حالىقارالىق كەلىسىمشارتتار دەپارتامەنتىنىڭ ءبىرىنشى ساناتتى زاڭگەرى بولدى.
2010 جىلدان 2020 جىلعا دەيىن دانيەل ۆايسوۆ جەكە كوممەرتسيالىق قۇرىلىمداردا جۇمىس ىستەدى.
2020 جىلدىڭ قاڭتارىنان باستاپ قازىرگى ۋاقىتقا دەيىن «بايتەرەك» ۇلتتىق باسقارۋشى حولدينگى» اق ساتىپ الۋدى باقىلاۋ جونىندەگى ورتالىق قىزمەتىنىڭ باسشىسى قىزمەتىن اتقاردى.
بوتاگوز جاقسەلەكوۆا ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىن بىتىرگەن, Exeter University, رف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىندا ءبىلىم العان.
ەڭبەك جولىن 2001 جىلى ادىلەت مينيسترلىگى كادر جۇمىسى باسقارماسىنىڭ مامانى قىزمەتىنەن باستاعان. 2002-2007 جىلدارى قر ءام قۇرىلىمىندا ءارتۇرلى لاۋازىمداردى اتقاردى. 2007-2012 جىلدارى - قر ءام زاڭناما دەپارتامەنتى ديرەكتورىنىڭ ورىنباسارى. 2012-2013 جىلدارى - قر ءام مەملەكەتتىك م ۇلىكتى قۇقىقتىق قورعاۋ دەپارتامەنتىنىڭ باس ساراپشىسى. 2013-2015 جىلدارى - رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى مەڭگەرۋشىسىنىڭ ورىنباسارى, زاڭ ءبولىمىنىڭ مەڭگەرۋشىسى.
2015-2017 جىلدارى «سك-فارماتسيا» جشس ستراتەگيالىق دامۋ جانە قوعاممەن بايلانىس ءبولىمىنىڭ باستىعى, باسقارۋشى ديرەكتور, ستراتەگيا, تالداۋ جانە حالىقارالىق قاتىناستار دەپارتامەنتىنىڭ ديرەكتورى بولىپ جۇمىس ىستەدى.
2017-2018 جىلدارى - دەنساۋلىق ساقتاۋ مينيسترلىگى مەديتسينالىق قىزمەتتەرگە اقى تولەۋ كوميتەتىنىڭ توراعاسى. 2018-2019 جىلدارى - «الەۋمەتتىك مەديتسينالىق ساقتاندىرۋ قورى» كەاق باسقارما توراعاسىنىڭ ورىنباسارى.
2019-2020 جىلدارى - قر دسم جاۋاپتى حاتشىسى.
2021 جىلدىڭ ءساۋىر ايىنان باستاپ قازىرگى ۋاقىتقا دەيىن بوتاگوز جاقسەلەكوۆا جەكە كوممەرتسيالىق قۇرىلىمداردا باسشىلىق لاۋازىمداردا جۇمىس ىستەدى.
2023 جىلدىڭ 13 اقپانىندا قازاقستان ۇكىمەتىنىڭ قاۋلىسىمەن اقەركە احمەتوۆا باسقا جۇمىسقا اۋىسۋىنا بايلانىستى ادىلەت ۆيتسە-ءمينيسترى قىزمەتىنەن بوساتىلعانى حابارلانعان ەدى.
