«قازىر ءبىز سىرتقى ىستەر مينيسترلىگىمەن تىعىز بايلانىستامىز. ءبىز ءوز ازاماتتارىمىزدى, شەتەلدە ءبىلىم الىپ جاتقان جانە قيىن جاعدايعا تاپ بولعان قازاقستاندىق ستۋدەنتتەردى, سونىڭ ىشىندە تۇركيادا ءبىلىم الىپ جاتقانداردى قابىلداۋعا دايىنبىز», دەدى ول بۇگىنگى ۇكىمەت وتىرىسى اياسىندا جۋرناليستەردىڭ سۇراقتارىنا جاۋاپ بەرە وتىرىپ.
مينيستر تۇسىندىرگەندەي, قازىر جوو-عا قابىلداۋ ەرەجەلەرى وزگەردى. ەگەر بۇرىن ولاردى اۋىستىرۋ تەك سەسسيالار اراسىندا نەمەسە جازعى دەمالىس كەزىندە جۇزەگە اسىرىلسا, ەندى ۋنيۆەرسيتەتتەر قيىن جاعدايدا قالعان ستۋدەنتتەردى كەز كەلگەن ۋاقىتتا قابىلداۋعا دايىن.
سوڭعى مالىمەتتەر بويىنشا, تۇركيانىڭ وڭتۇستىك-شىعىسىندا 6 اقپاندا بولعان جەر سىلكىنىسى سالدارىنان 31 643 ادام قايتىس بولىپ, 80 278 ادام ءتۇرلى جاراقات العان. 6 444 عيمارات قيراعان. قۇتقارۋ جۇمىستارى ءالى جالعاسىپ جاتىر.
ايتا كەتەيىك, 6 اقپاندا تۇركيانىڭ وڭتۇستىك-شىعىسىندا ماگنيتۋداسى 7 باللدان اساتىن ەكى جويقىن جەر سىلكىنىسى بولدى (جەرگىلىكتى ۋاقىت بويىنشا 04:17-دە – 7,7 بالل جانە 13:24-تە – 7,6 بالل).
