ساياباق ماماندارى اڭدارعا ارنايى GPS ورناتىلعان قارعىباۋ تاققان. جوبانى «التىنەمەل» تابيعي ساياباعىنىڭ قىزمەتكەرلەرى مەن زوولوگيا ينستيتۋتىنىڭ عالىمدارى ىسكە اسىردى.
قار بارىسىنا قارعىباۋ تاققاننىڭ ءبىرى – نۇرلان مولداحمەتوۆ. 20 جىلدىق تاجىربيەسى بار بىلىكتى مامان عالىمدارمەن بىرلەسە ەرەكشە جوبانى جۇزەگە اسىردى. جازىققا تۇسكەن اڭدى ۇيىقتاتقان سوڭ ول تەڭبىلىن ساناپ, ات قويىپ, قۇجات بويىنشا جۇمىسىن جۇرگىزگەن.
«قار بارىسىنىڭ جاسىن انىقتادىق. شامامەن ول – 3 جاسار. بيىكتىگى مەن اياقتارى, قۇيرىعى, ءتىسىنىڭ جۋاندىعىنا دەيىن ەسەپتەپ, ولشەدىك. سودان ونىڭ وياناتىن ۋاقىتى بولعان كەزدە قايتادان دوزا سالىپ, ينەمەن «التىنەمەل» ۇلتتىق تابيعي ساياباعىنىڭ اۋماعىنا جىبەردىك. 15 مينۋتتان كەيىن تۇرىپ, جان-جاعىنا قاراپ, تاۋعا قاراي كەتتى», دەيدى «التىنەمەل» مەملەكەتتىك ۇلتتىق تابيعي ساياباعى جەدەل توپ باسشىسى ن.مولداحمەتوۆ.
GPS قارعىباۋ ەكى تاۋتان جانە ءبىر اتالىق بارىسقا تاعىلدى. ماماندار قۇرىلعى كومەگىمەن اڭداردىڭ كۇنىنە قانشا شاقىرىم جۇرەتىنىن ەسەپتەگەن. ءارى ميگراتسياسى مەن مەكەن ەتەتىن اۋماعىن انىقتاپ, كارتاعا تۇسىرگەن. جوبا جەر بەتىنەن جويىلۋعا شاق قالعان جىرتقىش جايلى تولقىققاندى زەرتتەۋ جۇرگىزۋگە مۇمكىندىك بەرەدى.
«التىنەمەل» مەملەكەتتىك ۇلتتىق تابيعي ساياباعى عىلىم ءبولىمىنىڭ باسشىسى مارعۇلان مۇسابەكوۆتىڭ ايتۋىنشا, ءۇش قار بارىسى «التىنەمەل» ۇلتتىق ساياباعى اۋماعىنان شىقپاعان. قازىرگى تاڭدا قىستاپ جاتقانى – ءجۇزاسۋ شاتقالى. بۇل – تاۋەشكىلەر ورەتىن جەر. قار بارىسى ءبىر كۇندە 18-21 شاقىرىمدى شارلاپ شىعادى. ونىڭ ازىعى دا – وسى جولدا.
جەتىسۋ وبلىسى
