«تۇركيا ء – تۇبى ءبىر تۋىسقان ەل. ءبىز بايىرعى بابا-باتىر تۇركىنىڭ كىندىگىنەن تاراعان ۇرپاقپىز. ءتىلىمىز جاقىن, تىلەگىمىز ءبىر. باۋىرلاس ەلدىڭ باسىنا كەلگەن قايعى – ءبىزدىڭ دە قايعىمىز. قازاق حالقى جۇرەگىمەن سىزدەرمەن بىرگە. اللا تاعالا تابيعي اپاتتان قازا تاپقان جانداردىڭ دارەجەسىن ارتتىرىپ, ءجانناتىن ءناسىپ ەتكەي. جاراقات العان ازاماتتاردىڭ تەزىرەك ساۋىعىپ كەتۋىن تىلەيمىن», دەپ جازدى كوڭىل ايتۋ كىتابىنا ناۋرىزباي قاجى تاعان ۇلى.
بۇدان كەيىن قمدب توراعاسى تۇركيانىڭ قازاقستانداعى توتەنشە جانە وكىلەتتى ەلشىسى ۋفۋك ەكيدجي مىرزامەن جانە ونىڭ ءدىن ىستەرى جونىندەگى كەڭەسشىسى نەشەت بۋدۋرمەن كەزدەسىپ, كوڭىل ايتتى. سونداي-اق تابيعي اپاتتان قازا تاپقانداردىڭ رۋحىنا ارنايى قۇران باعىشتاپ, قينالىپ جاتقان تۇرعىندارعا اللا تاعالادان جەڭىلدىك سۇرادى.
