قالا قۇرىلىسى كاداسترىنىڭ تسيفرلى قورى جىل سايىن ەلدى مەكەندەردەگى قۇرىلىس اۋماقتارىنداعى ينجەنەرلىك ينفراقۇرىلىمنىڭ دەرەكتەرىمەن تولىقتىرىلىپ وتىرادى.
ماسەلەن, 2022 جىلدىڭ قورىتىندىسى بويىنشا ينجەنەرلىك جەلىلەردىڭ 69,3% تسيفرلاندىرىلدى. بۇل رەتتە 2021 جىلى اتالعان كورسەتكىش 63,1% دەڭگەيىندە بولعان ەدى.
بيىل رەسپۋبليكالىق جانە جەرگىلىكتى بيۋدجەتتىڭ قاراجاتى ەسەبىنەن وڭىرلەردەگى 80 مىڭ گەكتاردان ارتىق قۇرىلىس اۋماعىن تۇگەندەۋ جوسپارلانىپ وتىر.
وسى ارقىلى 2023 جىلدىڭ سوڭىنا قاراي قاجەتتى قارجىلاندىرۋ بولعان جاعدايدا ينجەنەرلىك جەلىلەردىڭ 88%-ى تسيفرلاندىرىلادى دەپ بولجانىپ وتىر.
ەسكە سالايىق, ەلدى مەكەندەردىڭ ينفراقۇرىلىمدىق دەرەكتەرىن (اۋدان ورتالىقتارىنىڭ دەڭگەيىنە دەيىن) تولىق تسيفرلاندىرۋدى 2024 جىلدىڭ سوڭىنا دەيىن جۇزەگە اسىرۋ كوزدەلگەن.
