جوبانىڭ تەحنولوگيالىق سحەماسىنا سايكەس, گاز قۇبىرىنىڭ 2-ءشى جەلىسىنىڭ جالپى ۇزىندىعى 308 كم, وتكىزۋ قابىلەتى جىلىنا 5,8 ملرد م3 قۇرايدى. جۇمىستاردى جۇرگىزۋ كەستەسىنە سايكەس قۇرىلىستى اياقتاۋ جانە پايدالانۋعا بەرۋ 2023 جىلدىڭ جەلتوقسانىنا جوسپارلانىپ وتىر. «بۇگىنگى تاڭدا ماڭعىستاۋ وبلىسىندا ەلىمىزدىڭ ىشكى نارىعى بويىنشا تابيعي گازدىڭ ەڭ جوعارى تۇتىنىلۋ كورسەتكىشى بايقالادى, سوندىقتان ەكىنشى جەلىنى سالۋ ماڭىزدى الەۋمەتتىك-ەكونوميكالىق مانگە يە, سونداي – اق ءوڭىردىڭ ەنەرگەتيكالىق قاۋىپسىزدىگىن كۇشەيتەدى», دەدى سانجار جاركەشوۆ.
QazaqGaz باسشىسىنىڭ ايتۋىنشا, مەگاجوبانى ىسكە اسىرۋ ماڭعىستاۋ وبلىسىنىڭ ەلدى مەكەندەرىن, حالىقتى, الەۋمەتتىك وبەكتىلەردى جانە ءوڭىردىڭ ونەركاسىپتىك كاسىپورىندارىن جىلۋمەن-سۋمەن جابدىقتاۋعا, سونداي-اق شتاتتان تىس جاعدايلاردىڭ الدىن الۋعا جانە وڭىر حالقىنا ستراتەگيالىق ماڭىزدى قىزمەتتەر رەتىندە گاز بەرۋدى توقتاتۋ قاۋپىن بولدىرماۋعا, جۇمىسى تىكەلەي تاۋەلدى ءىرى كاسىپورىنداردى تۇراقتى گازبەن جابدىقتاۋدى قامتاماسىز ەتۋگە مۇمكىندىك بەرەدى. ايتا كەتەيىك, مەملەكەت باسشىسى ماڭعىستاۋ ءوڭىرىنىڭ گاز تاسىمالداۋ جۇيەسىن جاڭعىرتۋ جانە ەلىمىزدىڭ ەنەرگەتيكالىق قاۋىپسىزدىگىن كۇشەيتۋ قاجەت دەگەن ەدى.
سالتاناتتى ءىس-شارادا ءسوز سويلەگەن وبلىس اكىمى نۇرلان نوعاەۆ بۇل جوبانى ىسكە اسىرۋ ءوڭىردىڭ الەۋمەتتىك-ەكونوميكالىق دامۋىنا جاعىمدى مۋلتيپليكاتيۆتىك اسەر ەتەتىنىن اتاپ ءوتتى.
«مەملەكەت باسشىسى قاسىم-جومارت توقاەۆتىڭ تاپسىرماسىن ورىنداۋ اياسىندا ماڭعىستاۋ وبلىسىن تۇراقتى تۇردە گازبەن قامتاماسىز ەتۋ ءۇشىن QazaqGaz ۇلتتىق كومپانياسى بەينەۋ-جاڭاوزەن ماگيسترالدىق گاز قۇبىرىنىڭ ەكىنشى جەلىسىن سالۋدى باستادى. بۇل جوبانى ىسكە اسىرۋ شاعىن جانە ورتا بيزنەستى دامىتۋعا, جاڭا جۇمىس ورىندارىن قۇرۋعا, سونداي - اق حالىقتىڭ ءومىر ءسۇرۋ ساپاسىن ارتتىرۋعا ىقپال ەتەدى», دەدى وبلىس اكىمى نۇرلان نوعاەۆ.
سونىمەن قاتار, «QazaqGaz» ۇك» اق باسقارما توراعاسى سانجار جاركەشوۆ ماڭعىستاۋ وبلىسىنا جۇمىس ساپارى اياسىندا «جاڭاوزەن-جەتىباي-اقتاۋ» گاز تاسىمالداۋ جۇيەسىنە جۇرگىزىلىپ جاتقان كۇردەلى جوندەۋ جۇمىستارىنىڭ بارىسىمەن تانىستى. بۇل جۇيە ۇش جەلىدەن تۇرادى جانە ماڭعىستاۋ وبلىسىنىڭ, اقتاۋ قالاسىنىڭ جانە وبلىستىڭ ماەك سياقتى ءىرى ونەركاسىپتىك كاسىپورىندارىنىڭ تابيعي گازعا دەگەن قاجەتتىلىگىن جاباتىن «وكارەم-بەينەۋ» ماگيسترالدىق گاز قۇبىرىنىڭ جالعاسى بولىپ ەسەپتەلەدى.
