الماتىلىق دارىگەرلەرگە قوسىمشا 1 ملرد. تەڭگە بولىنبەك

بۇل تۋرالى مەديتسينا قىزمەتكەرلەرىن كاسىبي ءتول مەرەكەسىمەن قۇتتىقتاۋ سالتاناتىندا قالا اكىمى احمەتجان ەسىموۆ ءمالىم ەتتى. شاھار باسشىسى جۋىردا بۇل ماسەلەنىڭ قالالىق ءماسليحاتتا قاراستىرىلىپ, الدىن الا دەنساۋ­لىق ساقتاۋ ءمينيسترى ساليدات قايىر­بەكوۆامەن كەڭەسكەنىن جەتكىزە كەلە, دەنساۋلىق ساقتاۋ جۇيەسىندە تەر توگىپ جۇرگەن سالالىق ماماندار مەن جاس مامانداردى قولداۋعا 630 ملن. تەڭگە ءبولۋدى ءجون دەپ شەشكەنىن, ال قالعان 370 ملن. تەڭگە العاباس اۋىلىندا مەديتسينالىق قىزمەتكەرلەرگە ارناپ سالىناتىن جاتاقحانا قۇرىلىسىنا جۇمسالاتىنىن, سونداي-اق, اۋەزوۆ اۋدانىندا «جەتىسۋ-3» تۇرعىن ۇيىنەن اۋماعى 4,7 مىڭ شارشى مەترلىك ەمحانا اشىلاتىنىنان حاباردار ەتتى. الماتىدا 30 مىڭعا تارتا دارىگەرلەر ەڭبەك ەتۋدە. بۇل دەگەنىڭىز – ەلىمىزدەگى ءاربىر 5-ءشى دارىگەر, ءار 11-ءشى مەدبيكە الماتىدا جۇمىس ىستەپ جاتىر دەگەن ءسوز. قالادا سوڭعى 4 جىلدا 15 دەنساۋلىق ساقتاۋ نىسانى ىسكە قوسىلدى. 2012 جىلدان باستاپ قارجىلاندىرۋ كولەمى 20 پايىزعا, 57 ملرد. تەڭگەگە ارتتى», – دەدى ا.ەسىموۆ. سالتاناتتى جيىندا الماتى قالا­سىندا جىلدىڭ ۇزدىك دارىگە­رىنىڭ­ ەسىمى ءمالىم بولدى. بۇل مارتە­بەگە­ №5 قالالىق كلينيكالىق اۋرۋ­حا­نا­سىنىڭ بەت-جاق حيرۋرگيا­سى ءبولىمى­­نىڭ مەڭگەرۋشىسى, مەديتسينا عىلىم­دارىنىڭ كانديداتى امانگەلدى سەيىت­قۇلوۆ لايىق دەپ تابىلسا, قالالىق ونكولوگيا ورتالىعى باس دارىگەرىنىڭ ورىنباسارى وكسانا شاتكوۆ­سكايا «ۇزدىك مەنەدجەر», «Zdrav-Expert» تاۋەلسىز ساراپشىلار قاۋىمداس­تى­عى­نىڭ ساراپشى دارىگەرى ءبيبىجان ەسبەرگەن «جىلدىڭ ۇزدىك ساراپشىسى», ورتالىق كلينيكالىق اۋرۋحانا­نىڭ ءدارىحانا مەڭگەرۋشىسى تاتيانا تاسماعانبەتوۆا «جىلدىڭ ۇزدىك پروۆيزورى», ال, №7 قالالىق كلينيكالىق اۋرۋحانانىڭ انەستەزيولوگ-رەانيماتولوگ دارىگەرى ۆلاديمير مۋتاگيروۆ «جىل جاڭالىعى», №6 قالالىق ەم­حا­نا­نىڭ ۋچاسكەلىك مەيىربيكەسى اينا قا­سىم­بەكوۆا «ۇزدىك مەيىرگەر» اتالىم­دارى بويىنشا ۇزدىك اتاندى. سونىمەن قاتار, الماتىدا مەديتسينا­لىق قىز­مەت­كەرلەر كۇنىنە وراي وتكىزىل­گەن شارادا ۇزدىك مەديتسينالىق قىزمەت­كەرلەردى «دەنساۋلىق ساقتاۋ ىسىنە قوسقان ۇلەسى ءۇشىن», «دەنساۋلىق ساقتاۋ ءىسىنىڭ ءۇز­دىگى» توسبەلگىلەرىمەن ماراپاتتادى. گۇلزەينەپ سادىرقىزى, «ەگەمەن قازاقستان».