كەش باعدارلاماسىندا كومپوزيتوردىڭ الۋان ءتۇرلى شىعارمالارى – «فيگارونىڭ ۇيلەنۋ تويى» وپەراسىنا ۋۆەرتيۋرا, وركەسترمەن ۆالتورناعا ارنالعان №3 كونتسەرتى جانە «يۋپيتەر» №41 سيمفونياسى بار.
«فيگارونىڭ ۇيلەنۋ تويى» شىعارماسىمەن موتسارتتان اسقان كەرەمەت جەتىستىككە ەشكىم قول جەتكىزگەن ەمەس. تەاتر لىق تولى بولدى, كوپتەگەن ءنومىردى قايتالاۋعا تۋرا كەلدى, سوندىقتان وپەرا ەكى ەسە ۇزاعىراق وينالدى, ال كەلۋشىلەر موتسارت شىعارمالارىنا قوشەمەت كورسەتۋدى توقتاتپادى», دەيدى وپەراعا كەلگەن كورەرمەن.
1786 جىلعى تۇساۋكەسەردەن باستاپ «فيگارونىڭ ۇيلەنۋ تويى» اۋەندەرى كوپشىلىكتىڭ سۇيىسپەنشىلىگىنە بولەنگەن ەدى. جالپى, موتسارتتىڭ شىعارماشىلىعى باسقا دا ۆەنا كلاسسيكتەرىنىڭ مۇرالارىمەن بىرگە ۆالتورنا مۋزىكاسى دامۋىنىڭ شارىقتاۋ شەگىنە جەتتى. وركەسترمەن ۆالتورناعا ارنالعان №3 كونتسەرت – كومپوزيتوردىڭ جەكە اسپاپتىڭ مانەرلى مۇمكىندىكتەرىن دامىتىپ, بايىتقان جاۋھار تۋىندىسى.
كەشتىڭ جەكە ورىنداۋشىسى – «دارىن» مەملەكەتتىك جاستار سىيلىعىنىڭ لاۋرەاتى, سيمفونيالىق وركەستردىڭ باس ديريجەرى قالقامان دۇيسەمباەۆ. سيمفونيالىق وركەستردىڭ كوركەمدىك جەتەكشىسى – حالىقارالىق جانە رەسپۋبليكالىق بايقاۋلاردىڭ لاۋرەاتى ءادىل بەستەمبەكوۆ, باس ديريجەر – قالقامان دۇيسەمباەۆ.
